Շիրակի թեմի առաջնորդ Միքայել եպիսկոպոս Աջապահյանն այլևս առաջվանը չի լինի
«Հայկական ժամանակ» թերթը գրում է. «Շիրակի թեմի առաջնորդ Միքայել եպիսկոպոս Աջապահյանը իր անվան հետ կապված վերջին աղմուկից հետո վերանայել է սեփական գործունեությունը: Եպիսկոպոսը այսուհետ նախկինի նման չի շփվի սեփական հոտի հետ, բաց չի լինի հանրային խնդիրները քննարկելիս, կարծիք չի արտահայտի, չի լսի և չի արձագանքի: Այսպիսի տպավորություն է ստեղծվում Շիրակի թեմի առաջնորդի այն քայլերի շարքից, որոնք նա արդեն կատարել է իր անվան շուրջ վերջին աղմուկից հետո: Խոսքը զոհված զինվորի դին եկեղեցում դնել-չդնելու հետ կապված աղմուկի մասին է: Այդ օրերին եպիսկոպոս Աջապահյանը հայտնվեց ԶԼՄ-ների, հասարակության և հատկապես ֆեյսբուքահայության անողոք քննադատության թիրախում և, ահա, որպես արդյունք որոշել է այսուհետ փակ լինել նույն այդ հանրության համար: «Այսուհետ դուք կունենաք այլ առաջնորդ: Առաջնորդը գուցե մնա նույն անուն ազգանունով, բայց կունենաք այլ առաջնորդ: Այդ առաջնորդը կլինի լուռ և չի խառնվի ոչ մի բանի»,-իր վերջին հարցազրույցում նշել էր նա»: Մանրամասն՝ թերթի այսօրվա համարում:
Հետևեք մեզ Viber-ում
