ՀՀԿ-ն ասել է՝ ով է ղեկավարելու երկիրը

ԱԺ ճեպազրույցների ժամանակ  ՀՀԿ խմբակցոթյան ղեկավար Վահրամ Բաղդասարյանը նշեց, որ Սերժ Սարգսյանի լիազորությունների ավարտից հետո արդեն իսկ սահմանադրորեն իշխանությունը նորից կլինի իր տեղում, Ազգային ժողովի նախագահը կփոխարինի այդ ընթացքում երկրի ղեկավարին, և, ըստ նրա, այդտեղ որևէ արտառոց բան չի լինի: «Իշխանությունը դա մի արկղ չէ, որ գնան ու վերցնեն, ես դրան հումորով եմ վերաբերվում: Իշխանությունը վերցնելու համար հիմքեր են պետք: Մի քանի օրից արդեն վարչապետի թեկնածուի հետ կապված ՀՀԿ-ն տեղեկատվություն կհրապարակի: Դուք ավելի լավ գիտեք, թե քանի անուն է շրջանառվում, մեր թեկնածուների անունները կշրջանառվեն քննարկումների ժամանակ»: Վահրամ Բաղդասարյանն անդրադարձավ նաև փողոցային պայքարին, ասաց, որ ՀՀԿ-ն որևէ անհնագստություն չունի. «Մենք թույլ չենք տա զենքի ուժով ներքաղաքական իրավիճակը քայքայել, դա բացառվում է»: