Հայաստանում ռուսական ռազմական ոստիկանության ստորաբաժանումներ կբացվեն

«ՌԻԱ Նովոստի»-ն՝ վկայակոչելով Հարավային ռազմական շրջանին հայտնում է,որ Հայաստանում տեղակայված Հարավային ռազմական շրջանի ռուսական ռազմաբազայում ձևավորվում է ռազմական ոստիկանության ստորաբաժանում:Նախկինում Գյումրիում ՌԴ ռազմաբազայում կարգուկանոնի պահպանության համար հատկացվում էին առանձին պարեկային խմբեր, սակայն դրանց կազմի մեջ մտնող զինծառայողները չունեին հատուկ պատրաստություն: Այսօր ստեղծվող ջոկատները համալրված կլինեն Վլադիկավկազում ռազմական ոստիկանության ուսումնական կենտրոնում պատրաստված մասնագետներով: «Զինվորական կարգապահության պահպանության, ճանապարհային երթևեկության անվտանգության և Գյումրիում ռազմական կայազորում օբյեկտների պահպանության համար ձևավորվում է ռազմական ոստիկանության ստորաբաժանում: Անձնակազմը կստանա հատուկ տեխնիկա և կզինվի սպառազինությամբ, ռազմական տեխնիկայով և հատուկ միջոցներով»,- ասված է հաղորդագրությունում: