«Մայրիկիս փոխանցեք, որ ես նրան սիրում էի». Կեմերովոյի հրդեհի ժամանակ երեխաները զանգահարել են հարազատներին
kp.ru-ի փոխանցմամբ, Ռուսաստանի Դաշնության Կեմերովո քաղաքի «Զիմնյայա վիշնյա» 4-հարկանի առևտրի կենտրոնում մարտի 25-ին տեղի ունեցած խոշոր հրդեհի ժամանակ մի խումբ դպրոցականներ արգելափակված են մնացել կինոդահլիճում: Խուճապահար երեխաները սկսել են զանգահարել հարազատներին ու հրաժեշտ տալ նրանց: «Հրդեհի սկսվելուց հետո կինոթատրոնից ինձ զանգահարեց քրոջս աղջիկը: Նա պատմում էր, որ ամեն ինչ այրվում է, դռները փակ են: Նա ասում էր, որ չի կարողանում շնչել, դուրս գալ: «Մայրիկիս փոխանցիր, որ ես իրեն սիրում էի: Բոլորին փոխանցիր, որ ես իրենց սիրում էի»,-պատմել է կինը: Կինոդիտմանը ներկա է եղել 12 տարեկան դպրոցականների դասարանը, նրանց ուղեկցել են դասղեկն ու մի քանի ծնող: Հրդեհի հետևանքով զոհերի թիվը հասել է 56-ի:
Հետևեք մեզ Viber-ում
