Բաքու-Թբիլիսի-Կարսի բացումից անցել է 5 ամիս. երկաթուղու գծերում շարժ չկա, հաղորդում է Jnews.ge-ն։
Բաքու-Թբիլիսի-Կարս երկաթուղու Ախալքալաքի կայարանը բեռն ընդունում ու ուղարկում է ամեն երեք օրը կամ շաբաթը մեկ, հիմնականում՝ Ղազախստանից ցորեն:
Մարտի 22-ի առավոտյան, ժամը 11: 00-ին այցելեցինք Ախալքալաքի կայարան: Կայարանում լռություն էր: Ախալքալաքի կայարանի շենքը փակ էր: Պլատֆորմում, երկաթուղային գծերում ու ընդհանրապես կայարանում շարժ չկար:
Բաքու-Թբիլիսի-Կարս երկաթգիծը 10 տարվա շինարարությունից հետո բացվեց 2017 թ.-ի հոկտեմբերի 30-ին: Բացվելուց հետո արդեն անցել է հինգ ամիս: Ախալքալաքի կայարանն այս երկաթուղային գծի վրա ամենամեծն է: Այստեղ պետք է տեղի ունենա գնացքների անցումը հին գծից եվրոպականի:
ԲԹԿ-ի շահագործման առաջին փուլում ենթադրվում է տեղափոխել մեկ միլիոն ուղեւոր եւ 6,5 միլիոն տոննա բեռ, իսկ երկրորդ փուլում բեռնափոխադրումների ծավալը հասնելու է 17 միլիոն տոննայի եւ տարեկան 2 միլիոն ուղեւորի:
Սակայն դեռ անցած տարի բացման ժամանակ պարզ դարձավ, որ Բաքու-Թբիլիսի-Կարս երկաթգծով ուղեւորափոխադրումներ դեռ չկան, քանի որ երկաթուղին դեռ պատրաստ չէ դրան:
10 րոպե երկաթուղային կայարանի տարածքում զբոսնելուց հետո, մենք տեսանք «Art Building Georgia» ընկերության ներկայացուցիչ Ժեժաիմ Սելիմին:
«Աշխատանքներ դեռ չեն կատարվում, նրանք դադարեցված են: Ամսվա վերջ աշխատանքները կսկսվեն, անհրաժեշտ է ավարտել կայանի ներսի բարեկարգման աշխատանքներն եւ երկաթգծի այլ արտաքին աշխատանքներ», – ասում է Ժեժաիմ Սելիմը:
Ախալքալաքի կայարանի ղեկավար Օմար Օսիձեի խոսքով, հիմնական բեռը` Ղազախստանի ցորենն է:
«Բեռները գալիս են ամեն 3 օրը մեկ, կամ շաբաթը մեկ: Մենք կոնտեյներներն այլ վագոնների վրա ենք տեղափոխում կռունկի օգնությամբ, բայց սարքավորումը, որն ավտոմատ կերպով փոխում է վագոնների գիծը սովորականից եվրոպականի նույնպես աշխատում է: Սակայն կռունկով տեղափոխումը մեզ համար ավելի հեշտ է ու ավելի քիչ ժամանակ է պահանջում», ասում է Օմար Օսիձեն:
Օսիձեի խոսքով, Ախալքալաքի կայարանի շինարարական աշխատանքները դեռ չեն ավարտվել: Շենքը պատրաստ է 95% -ով:
Նրա խոսքերով, կայանը ունի չորս աշխատող` տարբեր պաշտոններում:
Փետրվարի 18-ին՝ ժամը 10։30-ին, Հայելի ակումբի հյուրն է Տիգրան Չոբանյանը
Փետրվարի 18-ին՝ ժամը 15։00-ին, Հայելի ակումբի հյուրն է Սեյրան Չիլինգարյանը
Փետրվարի 18-ին՝ ժամը 16։00-ին, Հայելի ակումբի հյուրն է ՀՀԿ-ից Հենրիխ Դանիելյանը
Փետրվարի 18-ին՝ ժամը 14։00-ին, Հայելի ակումբի հյուրն է Ձյունիկ Աղաջանյանը
Փետրվարի 18-ին՝ ժամը 12։00-ին, Հայելի ակումբի հյուրն է Անաստաս Իսրայելյանը
Փետրվարի 17-ին՝ ժամը 12։00-ին, Հայելի ակումբի հյուրն է ազատամարտիկ Դավիթ Մկրտչյանը
Փետրվարի 17-ին՝ ժամը 16։00-ին, Հայելի ակումբի հյուրն է «Մայր Հայաստան» խմբակցության անդամ Նարե Սոսեն
Փետրվարի 17-ին՝ ժամը 14։00-ին, Հայելի ակումբի հյուրն է գյումրեցի իրավապաշտպան Կարապետ Պողոսյանը
Փետրվարի 17-ին՝ ժամը 13։00-ին, Հայելի ակումբի հյուրն է քաղաքագետ Երվանդ Բոզոյանը
Փետրվարի 17-ին՝ ժամը 11։00-ին, Հայելի ակումբի հյուրն է ՀՀ ԶՈՒ պահեստի գնդապետ Վոլոդյա Հովհաննիսյանը
Հետևեք մեզ Viber-ում
