Վարչապետի եւ նրա տիկնոջ դրամական միջոցները

Բարձրաստիճան պատոնատար անձանց էթիկայի հանձնաժողովը հրապարակել է վարչապետ Հովիկ Աբրահամյանի 2015 թվականի գույքի և եկամուտների հայտարարագիրը:Ինչպես շատ պաշտոնյաներ, Հովիկ Աբրահամյանը ևս հայտարարագրում անշարժ և շարժական գույքի վերաբերյալ տեղեկություններ չի ներառել: Հայտարարագրից պարզ է դառնում, որ Հովիկ Աբրահամյանը 2015 թվականի ընթացքում 10 մլն 551 հազար դրամ եկամուտ է ունեցել, որը գոյացել է աշխատավարձից ու դրան հավասարեցված վճարումներից:Վարչապետը 2015 թվականի սկզբին հայտարարագրել է 210 մլն դրամ և 1 մլն 800 հազար դոլար դրամական միջոց, իսկ տարեվերջին այդ թիվը նվազել է՝ կազմելով 1 մլն 800 հազար դրամ և 1 մլն 600 հազար դոլար:Հովիկ Աբրահամյանի կնոջ՝ Ջուլիետա Աբրահամյանի եկամուտներն ու դրամական միջոցներն ավելի շատ են եղել: 2015 թվականին վարչապետի կինը հայտարարագրել է 220 մլն դրամ ու 2 մլն 700 հազար դոլար դրամական միջոց: Տիկնոջ եկամուտը նախորդ տարի կազմել է 45 մլն դրամ, սակայն չի մանրամասնվում, թե որտեղից է գոյացել: Դրանք ձևակերպված են որպես այլ եկամուտներ:Ջուլիետա Աբրահամյանը ևս շարժական ու անշարժ գույքի մասին տեղեկություններ չի ներառել հայտարարագրում: