Բանակցությունների մեջ ենք, որ հրապարակում ասեղ գցելու տեղ չլինի. Դավիթ Սանասարյան
«Հանուն Հայաստան պետության» ճակատի անդամ Դավիթ Սանասարյանը այսօր Ազատության հրապարակում հանրահավաքի ժամանակ հայտարարեց, որ քաղքական ուժերի հետ բանակցությունների մեջ են։«Հիմա խորհրդակցությունների, բանակցությունների մեջ ենք, որ հրապարակում ասեղ գցելու տեղ չլինի: Ամեն մեկի հետ խոսում ենք, քննարկում ենք, ներկայացնում ենք, թե մենք ինչ ենք պատկերացնում, ու վստահ եմ, որ այս աշխատանքը բերելու է կոնկրետ հաջողության»,- ասաց նա: Նա հորդորեց հրապարակում հավաքված քաղաքացիներին չհուսահատվել: Սանասարյանը նաև տեղեկացրեց, որ մարտի 24-ին՝ ժամը 12։00-ին, Թամանյանի արձանի մոտից մեկնարկելու է երիտասարդական երթ՝ ընդդեմ Սերժ Սարգսյանի պաշտոնավարման երրորդ ժամկետի։ Այսօրվա հանրահավաքն ավարտվեց: Ճակատի հաջորդ հավաքը տեղի կունենա մեկ շաբաթ հետո՝ մարտի 30-ին, իսկ ապրիլի 9-ից շուրջօրյա հանրահավաքների շարք կսկսեն:
Հետևեք մեզ Viber-ում
