Մեր միակ զենքը ժողովուրդն է. Մարտի 1-ի գործով հրապարակային դատավարություն կսկսեն
«Հանուն Հայաստան պետության» ճակատի անդամ Պետրոս Մակեյանը տեղեկացրեց, որ երեկ Կարապետ Ռուբինյանի հետ միասին հանդիպել են Նիկոլ Փաշինյանի և Արարատ Միրզոյանի հետ և քննարկել միավորվելու հնարավորությունը: «Ինչ-որ պահի առվակները կմիանան․Ծովը սա է: Որևէ մեկին որևէ բան չենք պարտավորեցնում: Մեր միակ զենքը ժողովուրդն է: Պատերի հետ ֆռֆռացողները մեզ մի օր կմիանան»: Խոսելով Ժիրայր Սեֆիլյանի նկատմամբ կայացված վճռից, ասաց, որ այս կերպ ցույց են տալիս, որ իշխանությունները վախենում են Ժիրայրի տեսակից։ «Ինչո՞ւ այսպիսի վճիռ։ Հայաստանում արդարադատություն գոյություն չունի։ Հայաստանում գոյություն ունի վրեժխնդրություն։ Ժիրայրի, Գևորգի և մնացած տղաների նկատմամբ իրականացվել է վրեժխնդրության դատավճիռ», - նշեց Մակեյանը։ Մակեյանը հայտարարեց, որ պատրաստվում են հենց Ազատության հրապարակում Մարտի 1-ի գործով հրապարակային դատավարություն սկսել և դրա համար խնդրելու են Փաստահավաք խմբի նախկին անդամներ Անդրանիկ Քոչարյանին ու Սեդա Սաֆարյանին ներկա լինել դատավարությանը և օգնել իրենց։ Հանրահավաքին կներկայացնենք ճանապարհային քարտեզ, բայց ուժի կիրառմանը դեմ ենք, նկատեց Մակեյանը․ «Ուժի կիրառումը մեր կողմից բացառված է: Ինքնապաշտպանվելու իրավունք սակայն ունենք»:
Հետևեք մեզ Viber-ում
