Ինչ հանցանքի մասին է խոսում Վահրամ Բաղդասարյանը

ԱԺ ՀՀԿ խմբակցության ղեկավար Վահրամ Բաղդասարյանը խորհրդարանում լրագրողների հարցերին ի պատասխան,  ասաց, որ Ժիրայր Սեֆիլյանի դատավաճիռը արդար դատարանի կողմից է կայացվել, անկախ իշխանությունների կամքից, իսկ կատարված հանցանքն ակնհայտ է: «Իրավաբանները պետք է այդ գնահատականը տան: Եթե նրանք ունեն հակասություններ, կարող են դիմել Վերաքննիչ դատարան և այնտեղ վիճարկել: Բնականաբար, յուրաքանչյուր բանտարկյալի մասով, անկախ նրա գործած հանցանքից, ընդդիմությունը ցանկանում է քաղաքական դրդապատճառներ գտնել, որպեսզի կարողանան ինչ-որ ձևով քաղաքական բանտարկյալներ փնտրել ՀՀ-ում: Ինձ թվում է՝ շատ ակնհայտ է՝ զինված ապստամբություն, կազմակերպիչներ են, և դրա գնահատականը տվել են իրավապահները»: