Ժիրայր Սեֆիլյանը դատապարտվեց.որքան է պատիժը
«Հիմնադիր խորհրդարան»-ի առաջնորդ Ժիրայր Սեֆիլյանը դատապարտվեց 10 տարի հինգ ամսվա ազատազրկման: Հիշեցնենք, որ ավելի վաղ մեղադրող դատախազը պահանջել էր Ժիրայր Սեֆիլյանին դատապարտել 11 տարվա ազատազրկման: Նշենք, որ նույն գործով անցնող Գևորգ Սաֆարյանը դատապարտվեց 5, 5 տարվա ազատազրկման, սակայն նրա պատժաչափը կհաշվարկվի 2016թ. հունվարի 1-ից, երբ նա կալանավորվեց «տոնածառի» հայտնի գործով: Դատավորն ամբողջությամբ ապացուցված համարեց, որ Սեֆիլյանը Հայոց ցեղասպանության 100-րդ տարելիցին նախապատրաստել է զանգվածային անկարգություններ` իշխանության ներկայացուցչին զինված դիմադրություն ցույց տալով, բռնություն գործադրելով, գույք ոչնչացնելով և այլն, հետագայում էլ` արդեն Սահմանադրական հանրաքվեին ընդառաջ, ապօրինի ձեռք է բերել հրազեն ու ռազմամթերք` նպատակ ունենալով գրավել ռազմավարական նշանակության շենքեր, իշխանություններին պարտադրել ինչ-որ գործողություններ: Մեղադրանքում նշվում է, որ Սեֆիլյանն իր կամքից անկախ ավարտին չի հասցրել հանցավոր մտադրությունները, սակայն չի հստակեցվում, թե մասնավորապես ինչու, օրինակ, 2015 թվականի դեկտեմբերի 1-ին նա չի գրավել Նորքի հեռուստաաշտարակը, այլ ընդամենը հանրահավաք է անցկացրել Ազատության հրապարակում:
Հետևեք մեզ Viber-ում
