Սյունիքի մարզում 21–ամյա վարորդը Niva-ով դուրս է եկել ճանապարհի երթևեկելի գոտուց, մի քանի պտույտ գլորվելով՝ կողաշրջված հայտնվել ձորում

11:24 - 18/մարտի/2018

Երեկ՝ մարտի 17-ին ավտովթար է տեղի ունեցել Սյունիքի մարզում: Ժամը 20:30-ի սահմաններում Գորիս քաղաքի բնակիչ, 21-ամյա Միշա Գևորգյանը իր վարած ВАЗ 2121 մակնիշի 01 ՏՕ 025 համարանիշի ավտոմեքենայով Ստեփանակերտ–Գորիս ավտոճանապարհի 88-րդ կմ հատվածում դուրս է եկել ճանապարհի երթևեկելի գոտուց և մոտ 10 մետր գլորվելով՝ կողաշրջված վիճակում հայտնվել ձորում: Ինչպես հայտնում է ֆոտոլրագրող Գագիկ Շամշյանը, վթարի հետևանքով նրա ուղևորներ, Արցախի Հանրապետության Քաշաթաղի շրջանի Ձորափ գյուղի բնակիչ, 57-ամյա Գայանե Թունյանն ու Գորիս քաղաքի բնակիչ, 25-ամյա Լևոն Օհանջանյանը մարմնական վնասվածքներով տեղափոխվել են Գորիսի բժշկական կենտրոն: Դեպքի վայր են ժամանել Ճանապարհային ոստիկանության 2-րդ սպայական գումարտակի 6-րդ վաշտի ծառայողները՝ վաշտի հրամանատար Անդրանիկ Շաղոյանի գլխավորությամբ: Վթարի մասին ՃՈ 1-77 օպերատիվ կառավարման կենտրոնի պատասխանատու հերթապահ Երվանդ Ալեքսանյանը տեղեկությունը փոխանցել է Ոստիկանության Գորիսի բաժին, որտեղից ժամանել է հերթապահ խումբը: Փաստի առթիվ ՃՈ 2-րդ սպայական գումարտակի 6-րդ վաշտի ավագ հետաքննիչ Սուրեն Վարդանյանի կողմից նյութեր են նախապատրաստվում: Գ. Շամշյանի տեղեկություններով՝ վիրավորներից Գ. Թունյանը աշխատում է իրենց գյուղի հիմնական դպրոցում ՝ որպես ուսուցչուհի, իսկ Լ. Օհանջանյանը ծառայում է ՀՀ ՊՆ N զորամասում: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: