«Այ սա եմ ուզում». Արամ Սարգսյանը հրապարկել է Փաշինյանի եւ Մարուքյանի հետ իր լուսանկարը
«Ելք» դաշինքի մաս կազմող «Հանրապետություն» կուսակցության նախագահ, «Ելք» խմբակցության պատգամավոր Արամ Սարգսյանը Facebook-ի իր էջում հրապարակել էր Էդմոն Մարուքյանի եւ Նիկոլ Փաշինյանի հետ իր լուսանկարը, որտեղ նրանք ջերմ թեւանցում են արել իրար, ու գրել. «Այ սա եմ ուզում եւ վստահ եմ, որ սա շատ ավելի կարեւոր, շատ ավելի երկարատեւ ու պիտանի է լինելու մեր հայրենիքին, քան առօրեական կարեւորություն ունեցող փողոց դուրս գալ-չգալը...»։
Նշենք, որ «Ելք» դաշինքում լուրջ տարաձայնություն է առաջացել կապված Սերժ Սարգսյանի հնարավոր վարչապետության դեմ պայքարելու մեթոդների հետ: Նիկոլ Փաշինյանը կողմնակից է հանրահավաքային պայքարին, իսկ Էդմոն Մարուքյանն իր կողմնակիցները դեմ են:
Հետևեք մեզ Viber-ում
