Ադրբեջանի ՊՆ-ն հին զորավարժությունների կադրերը ներկայացնում է որպես «նոր» (լուսանկարներ)

21:09 - 16/մարտի/2018

Ադրբեջանում մարտի 12-ից մեկնարկած զորավարժություններին զուգահեռ Ադրբեջանի ՊՆ-ն սկսեց ակտիվորեն տարածել դրանց ընթացքի և կրակային փուլերի մասին քարոզչական տեսանյութեր: Հատկանշական է, որ այդ տեսանյութերում որպես նոր են ներկայացվում նախորդ տարիների զորավարժություններից կադրեր: Այս մասին գրում է razm.info-ն: Համեմատելով ընթացիկ զորավարժություններից հրապարակված կադրերը նախորդ զորավարժությունների կադրերի հետ, արդյունքում պարզել են, որ շատ դեպքերում տեսանյութերը հին են՝ նախորդ վարժանքներից: Կադրեր «Դանաների» կրակային վարժանքից Մարտի 15-ին Ադրբեջանի ՊՆ-ն հրապարակեց «զորավարժությունից տեսանյութ», որտեղ կան նաև կադրեր «Դանա» ինքնագնաց հրետանու կրակային վարժանքից: Այդ կադրերը, սակայն, վերցված են ավելի վաղ՝ այս տարվա փետրվարի 7-ին, հենց Ադրբեջանի ՊՆ հրապարակած մեկ այլ տեսանյութից: Այս կադրը վերցված է 2018-ի մարտի 15-ին Ադրբեջանի ՊՆ հրապարակած տեսանյութից Այս կադրը վերցված է 2018-ի փետրվարի 7-ին Ադրբեջանի ՊՆ հրապարակած տեսանյութից Ինչպես երևում է, երկու լուսանկարում էլ նույն կադրն է, պարզապես առաջինի դեպքում պատկերը փոքր ինչ մգեցված է: Ուշադրության է արժանի նաև «Լուսանկար 1»-ում վերևի ձախ անկյունի դրոշը,: Ինչպես տեսնում եք, դրոշի տակ երևում է նախորդ կադրից մնացած դրոշը: Այս կադրը վերցված է 2018-ի մարտի 15-ին Ադրբեջանի ՊՆ հրապարակած տեսանյութից 2018-ի փետրվարի 7-ին Ադրբեջանի ՊՆ հրապարակումը և լուսանկարը Ինչպես տեսնում եք «Լուսանկար 3»-ը և «Լուսանկար 4»-ը ևս կրկնում են նույն կադրերը: Ավելի մանրամասն՝ այստեղ: