Գագիկ Հարությունյանը հայհոյել է. ո՞ւմ (տեսանյութ)
Ցանկացած գործ, որն իրավական գործընթացում է, պետք է լինի թափանցիկ, պետք է լիարժեք քննության առարկա դառնա: Այս մասին լրագրողների հետ զրույցում ասաց Բարձրագույն դատական խորհրդի նախագահ Գագիկ Հարությունյանը՝ անդրադառնալով հարցին, թե արդոք Մարտի մեկի գործով չպե՞տք է հարցաքննվեն Ռոբերտ Քոչարյանն ու Սերժ Սարգսյանը:
Նա նշեց, թե գործերի քննության առումով տաբուներ չպետք է լինեն, սակայն ընդգծեց նաև, որ գործի նյութերին ծանոթ չէ:
Հարցին՝ ո՞ւմ է նախորդ տարիներին ծառայել Գագիկ Հարությունյանը. իշխանությունների՞ն, Հարությունյանը պատասխանեց.
«Ես երբեք ոչ մի իշխանության նվիրված չեմ եղել, ես իմ գործն եմ արել: Մարտի 1-ը մեր երկրի ամոթալի էջերից է, բայց մենք շատ ավելի ողբերգությունների առաջ կկանգնեինք, եթե համարժեք միջամտություններ չլինեին: Հակասությունների խորացումը միշտ հավաքում է կրիտիկական զանգված, կարող է բերել պայթյունների: Պետության կառավարման կարևոր քայլերից մեկն էլ դա հաղթահարելն է»,- ասաց Գագիկ Հարությունյանը՝ ավելացնելով, որ ինքը ծառայել է ժողովրդին ու պետությանը և խիղճը մաքուր է:
Տեսանյութը՝ armlur.am-ի
Հետևեք մեզ Viber-ում
