Արագածոտնի մարզի ընդհանուր իրավասության դատարանում այսօր՝ մարտի 16-ին, եզդիաբնակ Շամիրամ գյուղում 2017թ. ամռանը սգո սրահում 4 հոգու սպանության գործով դատավարության ընթացքում հանցագործությունը պարտակելու մեջ մեղադրվող Քյարամ Քալաշյանի պաշտպանը նրա խափանման միջոցը փոխելու միջնորդություն ներկայացրեց։
Քյարամ Քալաշյանն իրեն առաջադրված մեղադրանքը չի ընդունում, այլ պնդում է, որ ինքը փրկել է Թելման Քալաշյանին, քանի որ մահացածների հարազատները փնտրում էին նրան՝ հաշվեհարդար տեսնելու նպատակով։
«Ավելին, Քյարամ Քալաշյանը գովելի արարք է կատարել, եթե նա այդ վայրից չփախցներ Թելման Քալաշյանին, ապա ավելի շատ մարդիկ կմահանային եւ կվիրավորվեին, այնինչ նրա կողմից կանխվել են նման զարգացումները։ Մամե Օզմանյանի գլխավորությամբ, մահացածների հարազատները փնտրում էին Թելմանին, որ սպանեին»,- ասաց պաշտպանը։
Հիշեցնենք, որ Թելման Քալաշյանին մեղադրանք է առաջադրվել այն բանի համար, որ նա 2017թ. օգոստոսի 1-ին Արագածոտնի մարզի Շամիրամ համայնքի գերեզմանատանը կից սգո սրահում կատարել է չորս անձանց սպանություն, բացի դրանից, 1999թ.-ին ապօրինի կերպով ձեռք է բերել, պահել հրազեն եւ ռազմամթերք, 2012թ. դեկտեմբերից մինչեւ 2014թ.-ի նոյեմբերն ընկած ժամանակահատվածում կատարել է վաշխառություն, որի հետեւանքով տուժողներն ընկել են նյութական ծանր կացության մեջ, 2017թ օգոստոսի 25-ին էլ կատարել է նաեւ սուտ մատնություն:
Դատական դալիճը մարդաշատ էր, ներսում էին սպանվածների եւ վիրավորների հարազատները:
Երբ կարգադրիչները դատական դահլիճ բերեցինմեղադրյալ Թելման Քալաշյանին, սպանվածի հարազատները հայհոյանքներ հնչեցրեցին , նրան անվանելով տեռորիստ: Իրավիճակը սրվել է, ինչի արդյունքում, կողմերին հանդարտեցնելու համար Քալաշյանին հեռացրել են նիստերի դահլիճից:
Մինչ այդ դատավորը խնդրեց ամբաստանյալներին ներկայանալ, ինչին Թելման Քալաշյանը պատասխանեց, որ ունի 5-ամյա կրթություն, ամուսնացած է եւ խնամքին ունի 4 երեխա։ Քյարամ Քալաշյանն էլ պատասխանեց, որ ունի 3-ամյա կրթություն եւ երեխաներ խնամքին։
Հարցին, թե գիտե՞ք, արդյոք ձեր իրավունքներն ու պարտականությունները Թելման Քալաշյանը պատասխանեց․ «Դե մենք անգրագետ ժողովուրդ ենք, քցողներին ասեք, իրենք գիտեն»։
Փետրվարի 18-ին՝ ժամը 10։30-ին, Հայելի ակումբի հյուրն է Տիգրան Չոբանյանը
Փետրվարի 18-ին՝ ժամը 15։00-ին, Հայելի ակումբի հյուրն է Սեյրան Չիլինգարյանը
Փետրվարի 18-ին՝ ժամը 16։00-ին, Հայելի ակումբի հյուրն է ՀՀԿ-ից Հենրիխ Դանիելյանը
Փետրվարի 18-ին՝ ժամը 14։00-ին, Հայելի ակումբի հյուրն է Ձյունիկ Աղաջանյանը
Փետրվարի 18-ին՝ ժամը 12։00-ին, Հայելի ակումբի հյուրն է Անաստաս Իսրայելյանը
Փետրվարի 17-ին՝ ժամը 12։00-ին, Հայելի ակումբի հյուրն է ազատամարտիկ Դավիթ Մկրտչյանը
Փետրվարի 17-ին՝ ժամը 16։00-ին, Հայելի ակումբի հյուրն է «Մայր Հայաստան» խմբակցության անդամ Նարե Սոսեն
Փետրվարի 17-ին՝ ժամը 14։00-ին, Հայելի ակումբի հյուրն է գյումրեցի իրավապաշտպան Կարապետ Պողոսյանը
Փետրվարի 17-ին՝ ժամը 13։00-ին, Հայելի ակումբի հյուրն է քաղաքագետ Երվանդ Բոզոյանը
Փետրվարի 17-ին՝ ժամը 11։00-ին, Հայելի ակումբի հյուրն է ՀՀ ԶՈՒ պահեստի գնդապետ Վոլոդյա Հովհաննիսյանը
Հետևեք մեզ Viber-ում
