Ժամանակ օրաթերթը գրում է.
«Ինչպիսին կլինի ՍԵրժ Սարգսյանի քաղաքական որոշումն իր հետնախագահական ճակատագրի կապակցությամբ, հանրային մեծամասնության մոտ թերևս չի թողել երկրորդ կարծիքի տեղ՝ նա կլինի վարչապետ: Իհարկե, առկա են դրա գրեթե բոլոր նախանշանները, թեև ինքը՝ Սարգսյանը, շարունակում է պահել ինտրիգն ու անորոշությունը: Հնարավո՞ր է բացառել այլ տարբերակ, ոչ միայն տեսականում: Այստեղ, իհարկե, շատ կարևոր է դիտարկել իրավիճակը՝ միարժեք այո կամ ոչ ասելու փոխարեն:
Բանն այն է, որ ի տարբերություն հանրային և քաղաքական մեծամասնության, Սերժ Սարգսյանի որոշումը կայացվելու է հենց իրավիճակը հնարավորինս բազմերանգ, մանրազնին դիտարկելու արդյունքում՝ հաշվի առնելով ամենափոքր ներքին և առավել ևս արտաքին նրբերանգներն անգամ: Իսկ արտաքին միջավայրը ենթարկվում է բավականին արագ և նույնիսկ անսպասելի փոփոխությունների:
Միացյալ Նահանգների արտաքին գործերի նախարար է դառնում մարդ, որը մինչ այդ ղեկավարում էր հատուկ ծառայությունը՝ Կենտրոնական հետախուզական վարչությունը կամ ՑՌՈւ-ն:
Թվում էր, թե հատուկ ծառայությունից քաղաքականություն և դիվանագիտություն տարբերակը հատկանշական և բնութագրական է ամբողջատիրական համակարգերի համար, որտեղ ՊԱԿ աշխատակիցը կարող է դառնալ նախագահ: Սակայն մենք տեսնում ենք, որ այդօրինակ տրանսֆորմացիա կարող է տեղի ունենալ մի երկրում, որը համարվում է ժողովրդավարական և քաղաքական համակարգերի առաջատարներից մեկը, եթե ոչ առաջատարը: Մինչդեռ այստեղ թերևս անհամարժեքություն կլինի կարծել, թե այդօրինակ նշանակումները կամ տրանսֆորմացիաները բխում են բացառապես նախագահ Թրամփի, այսպես ասած, էպոտաժային կերպարից, քաղաքական տարր չլինելու հանգամանքից: Նախագահական պաշտոնամուտից հետո վարվող քաղաքականությունը թերևս տվել է բավարար ապացույցներ առ այն, որ անկախ նրա նկարագրի և ապաքաղաքական անցյալի հանդեպ վերաբերմունքից, աշխարհը գործ ունի Նահանգների վարչակազմի հետ, ոչ թե ինչ-որ ծաղրածու նախագահի:
Եվ ըստ այդմ՝ արտաքին գործերի ներկայիս նախարարի փոփոխությունը քաղաքականություն է, ոչ թե քմահաճույք: Քաղաքականություն, որի ղեկը գուցե նույնիսկ Թրամփի ձեռքին էլ չէ, այլ նա ինքն էլ դրա մի մասնակից է: Իսկ տրանսֆորմացիան տեղի է ունենում համաշխարհային նոր իրողությունների դինամիկ ծավալման ֆոնին, երբ առաջանում է աննախադեպ անհրաժեշտություն՝ Միացյալ Նահանգներում հատուկ ծառայության ղեկավարով փոխարինել արտաքին գործերի նախարարին: Սա չի նշանակում, որ ԱՄՆ-ը դառնում է ԽՍՀՄ, բայց դա նշանակում է, որ նույնիսկ ԱՄՆ-ի պես գերտերությունը ժամանակակից աշխարհում կարող է կանգնել որոշակիորեն արտառոց տրամաբանությամբ, մինչ այդ եղած նկարագրին ոչ բնորոշ գործողություններով առաջնորդվելու հրամայականի առաջ»,-գրում է թերթը:
Նյութն ամբողջությամբ կարդացեք թերթի այսօրվա համարում:
Փետրվարի 18-ին՝ ժամը 10։30-ին, Հայելի ակումբի հյուրն է Տիգրան Չոբանյանը
Փետրվարի 18-ին՝ ժամը 15։00-ին, Հայելի ակումբի հյուրն է Սեյրան Չիլինգարյանը
Փետրվարի 18-ին՝ ժամը 16։00-ին, Հայելի ակումբի հյուրն է ՀՀԿ-ից Հենրիխ Դանիելյանը
Փետրվարի 18-ին՝ ժամը 14։00-ին, Հայելի ակումբի հյուրն է Ձյունիկ Աղաջանյանը
Փետրվարի 18-ին՝ ժամը 12։00-ին, Հայելի ակումբի հյուրն է Անաստաս Իսրայելյանը
Փետրվարի 17-ին՝ ժամը 12։00-ին, Հայելի ակումբի հյուրն է ազատամարտիկ Դավիթ Մկրտչյանը
Փետրվարի 17-ին՝ ժամը 16։00-ին, Հայելի ակումբի հյուրն է «Մայր Հայաստան» խմբակցության անդամ Նարե Սոսեն
Փետրվարի 17-ին՝ ժամը 14։00-ին, Հայելի ակումբի հյուրն է գյումրեցի իրավապաշտպան Կարապետ Պողոսյանը
Փետրվարի 17-ին՝ ժամը 13։00-ին, Հայելի ակումբի հյուրն է քաղաքագետ Երվանդ Բոզոյանը
Փետրվարի 17-ին՝ ժամը 11։00-ին, Հայելի ակումբի հյուրն է ՀՀ ԶՈՒ պահեստի գնդապետ Վոլոդյա Հովհաննիսյանը
Հետևեք մեզ Viber-ում
