«Զուգագուլպայով խեղդամահ անող» սերիական մարդասպանը մահապատժի է ենթարկվել

WRBL հեռուստաալիքի փոխանցմամբ, ամերիկյան Ջորջիա նահանգի իշխանությունները մահապատժի են ենթարկել սերիական մարդասպանի, որը հայտնի է որպես «զուգագուլպայով խեղդամահ անող»: 67-ամյա դատապարտյալի նկատմամբ դատավճիռն իրագործվել է մահացու ներարկման միջոցով։ Բանտում  հայտնել են, որ նա հրաժարվել է վերջին ընթրիքից։ Կառլտոն Գերին մահապատժի էր դատապարտվել 1986 թվականին՝ երեք տարեց կանանց բռնաբարության ու սպանության մեղադրանքով։ Գերին մասնակից է առնվազն ևս 9 հարձակումների, որոնք տեղի են ունեցել 1977-1978 թվականներին Կոլումբուս քաղաքում։ Նրա զոհերից շատերը խեղդամահ են արվել զուգագուլպաների միջոցով։