Պուտինը խիստ անհանգստացած է
ՌԴ նախագահ Վլադիմիր Պուտինը անվտանգության խորհրդի նիստ է հրավիրել, որում քննարկվել է Մեծ Բրիտանիայում, Սոլսբերիում ռուս նախկին հետախույզ Սերգեյ Սկրիպալի և նրա դստեր թունավորման հետաքննության հետ կապված իրավիճակը, հաղորդում է Ntv-ն: Մարտի 4-ին Սկրիպալն ու նրա դուստրը՝ Յուլիան, հայտնաբերվել էին անգիտակից վիճակում, այժմ նրանք կոմայի մեջ են: Վլադիմիր Պուտինը ՌԴ Անվտանգության խորհրդի մշտական անդամների հետ քննարկել է Միացյալ Թագավորությունում Գլխավոր հետախուզական վարչության նախկին աշխատակից Սերգեյ Սկրիպալի թունավորման հետ կապված միջադեպի ֆոնին ռուս-բրիտանական հարաբերություններում ստեղծված իրադրությունը:Այդ մասին, ինչպես հայտնել է ՏԱՍՍ-ը, ասել է պետության ղեկավարի մամուլի քարտուղար Դմիտրի Պեսկովը։ «Խիստ անհանգստություն է հայտնվել այն ապակառուցողական ու սադրիչ դիրքի կապակցությամբ, որը բռնել է բրիտանական կողմը»,-նշել է նա:
Հետևեք մեզ Viber-ում
