Ինտերնետ ապահովել.ներգարվել նաև մարզպետներին
Էլեկտրոնային առողջապահության համակարգի ներդրման վերաբերյալ վարչապետ Կարեն Կարապետյանը հանձնարարական տվեց: Վարչապետը նշեց, որ ներկայումս ընթանում է մարզային բժշկական կենտրոնների ինտեգրումը էլեկտրոնային առողջապահության համակարգին: Կառավարության այսօրվա նիստում Տարածքային կառավարման և զարգացման, Առողջապահության, Տրանսպորտի, կապի և տեղեկատվական տեխնոլոգիաների նախարարներին հանձնարարեց, իսկ Երևանի քաղաքապետին Կարեն Կարապետյանը առաջարկեց 15-օրյա ժամկետում այդ բժշկական կազմակերպությունների համար ապահովել անհրաժեշտ պայմաններ՝ օգտատերերի համացանց մուտք գործելու և էլեկտրոնային առողջապահական համակարգին ինտեգրվելու համար, ապա ներկայացնել հաշվետվություն կառավարության աշխատակազմ։ «Այս հանձնարարականի մեջ պետք է ներգարվել նաև մարզպետներին:Մենք որոշ տեղերում ինտերնետ չունենք, դա պետք է արագ ապահովենք, չեմ կարծում, որ այդպես որևէ խնդիր կա: Դա է, չէ՞, պրոբլեմը», - ընդգծեց վարչապետը։
Հետևեք մեզ Viber-ում
