Երեւանի ավագանու հաջորդ նիստին լրագրողները ներկա չեն գտնվի, նոր աշխատասենյակ է ստեղծվում

Երեւանի ավագանու փետրվարի 13-ի սկանդալային նիստից մեկ ամիս անց քաղաքապետարանում որոշվել է, թե ինչպես սահմանափակել լրագրողների մուտքը նիստերի դահլիճ: Հիշեցնենք, որ այդ նիստում ավագանու ՀՀԿ-ական անդամները բռնություն էին գործադրել Երկիր ծիրանի խմբակցության կին անդամների նկատմամբ այն բանից հետո, երբ նրանք կոյուղաջրերով տարաներով փորձել էին մոտենալ քաղաքապետ Տարոն Մարգարյանին: «Հայկական ժամանակ»-ի տեղեկություններով, քաղաքապետարանում որոշել են, որ արդեն ավագանու առաջիկա իսկ նիստից սկսած լրագրողները չեն կարող մուտք գործել ավագանու նիստերի դահլիճ: Մարտի 19-ին սպասվող նիստին լրագրողնեերը կհետեւեն նիստերի դահլիճի դեմ դիմաց գտնվող սրահից, որտեղ մամուլի ասուլիսներն են կազմակերպվում: Ասուլիսի դահլիճում հեռուստացույցներ կտեղադրվեն, կանցկացվեն մալուխներ, որպեսզի ավագանու նիստերի ուղիղ հեռարձակումը ապահովվի, իսկ օպերատորները կարողանան տեղադրվեիք սարքերի միջոցով ստանալ նիստի տեսագրությունը: Երեւանի քաղաքապետարանի տեղեկատվության եւ հասարակայնության հետ կապերի վարչության պետ Արթուր Գեւորգյանը պատասխանելով մեր հարցին, թե ավագանու մարտի 19-ի նիստին լրագրողներն ինչպե՞ս են մասնակցելու, ասաց ընդամենը հետեւյալը. «Կգաք, կտեսնեք»: Լուրը տպագրվել է «Հայական ժամանակ» օրաթերթի մարտի 14-ի համարում: