Արարատի մարզի ինը համայնքներում՝ Եղեգնավանում, Դարբնիկում, Զորակում, Խաչփարում, Հայանիստում, Նիզամիում, Նորամարգում, Սայաթ-Նովայում եւ Սիսում, մարտի 11-ին անցկացվեցին համայնքի ղեկավարի եւ ավագանու ընտրություններ, Սիփանիկ համայնքում՝ միայն ավագանու ընտրություններ: Ութ համայնքներում առաջադրված էին գործող գյուղապետերը: Նախնական տվյալներով, նրանց օգտին են քվեարկել ընտրությանը մասնակցած քաղաքացիների մեծամասնությունը:
«Արմենպրես»-ի հետ զրույցում թիվ 11 տարածքային ընտրական հանձնաժողովի նախագահ Ավետիս Ավետիսյանը նշեց, որ Նորամարգ համայնքում առաջադրված երեք նոր թեկնածուների ձայները բախշվել են հետեւյալ կերպ. Արման Թադեւոսյանի օգտին է քվերակել 391 քաղաքացի, Արմեն Գեւորգյանի օգտին՝ 382 եւ Արսեն Ղահրամանյանի օգտնին՝ 182 քաղաքացի: Անվավեր է ճանաչվել 33 քվեաթերթիկ:
Դարբնիկ համայնքում քվեարկությանը մասնակցած 576 քաղաքացիներից, միակ թեկնածու Դավիթ Գզիրյանի օգտին են քվեարկել 549-ը: Դեմ է քվեարկել 14 քաղաքացի: Անվավեր քվեաթերթիկների թիվը 13 է:
Զորակում ընտրելու իրավունք ունեցող1469 քաղաքացիներից միակ թեկնածու, գործող գյուղապետ Մանուկ Մալոյանի օգտին քվեարկել է 561 քաղաքացի, դեմ են քվեարկել 31-ը: Անվավեր է ճանաչվել 8 քվեաթերթիկ:
Խաչփար համայնքում Ղազար Մարտիրոսյանի օգտին է քվեարկել ընտրությանը մասնակցած 859 քաղաքացիներից 819-ը: 28 քաղաքացիներ քվեարկել են դեմ, անվավեր է ճանաչվել 12 քվեաթեթիկ: Այստեղ ընտրելու իրավունք ունեցող քաղաքացիների թիվը 1582 է:
Հայանիստում Բալաբեկ Սարկիսյանի օգտին է քվեարկել 635 քաղաքացի: Դեմ են քվեարկել 22-ը: Անվավեր ճանաչված քվեաթեթիկների թիվը 14 է:
Նիզամիում ընտրությանը մասնակցած 334 քաղաքացիներից Հարութին Կարապետյանին կողմ են քվեարկել 310-ը, դեմ՝ 11-ը: Անվավեր քվեաթերթիկների թիվը 13 է:
Սայաթ-Նովայում առաջադրված էր միակ թեկնածու Ռազմիկ Ալավերդյանը: Նրա օգտին է քվեարկել ընտրությանը մասնակցած 794 քաղաքացիներից 543-ը: Դեմ է քվեարկել 200 քաղաքացի: Անվավեր քվեաթերթիկների թիվը 51 է:
Սիսում՝ Արմեն Եղյանի օգտին քվեարկել է 402 քաղաքացի: 40 քաղաքացի քվեարկել է դեմ, իսկ անվավեր քվեաթերթիկների թիվը 19 է:
Արարատի տարածաշրջանի Եղեգնավան համայնքում ընտրելու իրավունք ունեցող 1079 քաղաքացիներից ընտրությանը մասնակցել են 551-ը: Թիվ 13 Տարածքային ընտրական հանձնաժողովի նախագահ Հովիկ Գասպարյանը նշել է, որ միակ թեկնածու, Հովսեփ Ղազարյանի օգտին քվեարկել է 540 քաղաքացի, դեմ են քվեարկել 5-ը: Անվավեր է ճանաչվել 6 քվեաթերթիկ:
Հունիսի 25-ին՝ ժամը 14։00-ին, Հայելի ակումբի հյուրն է Կարինե Նալչաջյանը
Հունիսի 25-ին՝ ժամը 12։00-ին, Հայելի ակումբի հյուրն է Վիգեն Հակոբյանը
Հունիսի 25-ին՝ ժամը 10։30-ին, Հայելի ակումբի հյուրն է Էդիկ Անդրեասյանը
Հունիսի 24-ին՝ ժամը 11։30-ին, Հայելի ակումբի հյուրն է Դերենիկ Մալխասյանը
Հունիսի 24-ին՝ ժամը 10։30-ին, Հայելի ակումբի հյուրն է Հովհաննես Իշխանյանը
Հունիսի 24-ին՝ ժամը 13։00-ին, Հայելի ակումբի հյուրն է Անաստաս Իսրայելյանը
Հունիսի 24-ին՝ ժամը 14։00-ին, Հայելի ակումբի հյուրն է Նարե Սոսեն
Հունիսի 24-ին՝ ժամը 12։00-ին, Հայելի ակումբի հյուրն է ազատամարտիկ Դավիթ Մկրտչյանը
Հունիսի 23-ին՝ ժամը 16։00-ին, Հայելի ակումբի հյուրն է Ադրբեջանի հարցերով փորձագետ Գառնիկ Դավթյանը
Հունիսի 23-ին՝ ժամը 13։00-ին, Հայելի ակումբի հյուրն է քաղաքագետ Երվանդ Բոզոյանը
Հետևեք մեզ Viber-ում
