Ինչպես է ավստրալացի թոշակառուն փրկվել շնաձկից

9news.com.au-ի փոխանցմամբ, ավստրալացի տարեց տղամարդը կարողացել է բռնցքահարվածներով հետ մղել իր վրա հարձակված շնաձկանը: Վիկտորյա նահանգի 69-ամյա բնակիչ Ռոբ Քրոսլանդը ծովում լողում էր ափից մոտ 100 մետր հեռավորությամբ, երբ նրա վրա հարձակվել է 3,5-մետրանոց շնաձուկը: «Ես նախ տեսա նրա լողակը: Նա իմ կողքին շրջաններ էր գործում, իսկ հետո ուղիղ ինձ վրա եկավ:Նա կատարեց 6 կամ 7 շրջան, ամեն անգամ նրան բռնցքահարում էի, նա հետ էր լողում եւ նորից վերադառնում:Ինձ  օգնել է փրկվել նաեւ վառ վարդագույն կիսավարտիքը, որի շնորհիվ շնաձուկը հասկացել է, որ փոկի չի հանդիպել »,- պատմել է նա: