Պեսկովը երբեմն այնպիսի հիմարություններ է ասում. Պուտին
Ռուսաստանի դեմ ամերիկյան պատժամիջոցները թելադրված են բացառապես Ռուսաստանի զարգացումը կանխելու մղումներով: Այս մասին հայտնել է ՌԴ նախագահ Վլադիմիր Պուտինը NBC հեռուստատեսությանը տված հարցազրույցում:Ըստ նրա՝ կանխարգելող քաղաքականությունը ցիկլային բնույթ ունի և իրականացվում է տասնյակ տարիներ, և այն ոչ միայն վնասում է երկու երկրների միջև հարաբերություններին, այլև ամերիկյան բիզնեսին, քանի որ ռուսական շուկայում դրա մրցակիցների համար հրապարակն ազատելու հնարավորություն է տալիս: Այնուհետև լրագրողի հարցին ի պատասխան, որն է՝ մեկնաբանել իր խորհրդականներից մեկի արտահայտություններից մեկը, Ռուսաստանի ղեկավարն ասել է, որ չի վերահսկում իր աշխատակազմի բոլոր աշխատակիցներին. «Մեր վարչակազմում 2000 հոգի է աշխատում, մի՞թե կարծում եք, որ բոլորին կառավարում եմ: Ահա Պեսկովը՝ իմ մամուլի քարտուղարը՝ մեր առաջ նստած, երբեմն այնպիսի հիմարություններ է ասում, որ հեռուստացույցով նայում եմ ու ասում՝ այս ի՞նչ է ասում: Ո՞վ է նրան դա հանձնարարել»:
Հետևեք մեզ Viber-ում
