ԵՊՀ-ի նախկին «Հյուրերի տունը» վերածվում է հսկա հյուրանոցի
«Մաշտոցի 52 հասցեում ԵՊՀ-ի նախկին «Հյուրերի տունը» վերածվում է հսկա հյուրանոցի: Այժմ այստեղ շինարարական ակտիվ աշխատանքներ են ընթանում: Ճարտարապետ Արսեն Կարապետյանն «Առավոտի» հետ զրույցում ասում է՝ գեղեցիկ շենքն այն նախագծով, որ հիմա կառուցվում է, ամբողջությամբ աղավաղվում է: Այն, ինչ անում են այս շենքի հետ, ըստ ճարտարապետի, ավելի վատ է, բան այն, ինչ արվել է Իսահակյանի անվան գրադարանի շենքի հետ, կամ Իտալիայի, Խորենացի և Դեղատան փողոցների հատման մասում կառուցված բիզնես կենտրոնը, որը ևս երևանյան հին շենքի ամբողջական տեսքը խեղճացրել է: Ըստ Կարապետյանի՝ «Մաշտոցի 52 հասցեում այդ շենքի գոյություն ունեցող ճակատը վերացրին: Նույնիսկ նրա վրա կամ հետևի մասում չեն կառուցում, այլ հենց ճակատից առաջ են կառուցում: Այդ շենքը կանգուն, առողջ, ամբողջական շենք էր, և որևէ այսպիսի միջամտության կարիք չկար:
Հետևեք մեզ Viber-ում
