Լրագրողների պաշտպանության կոմիտեն (CPJ) հորդորել է Ուկրաինայի իշխանություններին թույլ տալ ադրբեջանցի լրագրող, Նիդերլանդների քաղաքացի Ֆիքրեթ Հուսեյնլիին անվտանգ կերպով լքել երկիրը: Այս մասին տեղեկացնում է կոմիտեի պաշտոնական կայքը:
Ադրբեջանական ընդդիմադիր «Թուրան» հեռուստաալիքի լրագրող Հուսեյնլին մարտի 5-ին հարձակման էր ենթարկվել Կիևում իր վարձակալած տան մոտ:
2017 թվականի հոկտեմբերի 14-ին Ուկրաինայի իշխանությունները ձերբակալել էին Հուսեյնլիին, ով Ադրբեջանի կողմից «Ինտերպոլ»-ով միջազգային հետախուզման մեջ է հայտարարված: Իրավապահները առգրավել էին նրա փաստաթղթերը, որով լրագրողը պատրաստվում էր մեկնել Կիևից: Հոկտեմբերի 27-ին դատարանը վճռել էր ազատ արձակել Հուսեյնլիին՝ սահմանելով, սակայն, որ նա առաջիկա երկու ամսում մնա Ուկրաինայում, մինչև այդ երկրի գլխավոր դատախազը կհետաքննի նրան Ադրբեջան արտահանձնելու մասին պաշտոնական Բաքվի դիմումը:
Ուկրաինայի իշխանությունները երկու անգամ երկարաձգել են հետաքննության ժամկետները, առաջիկա վերջնաժամկետ է սահմանված 2018 թվականի մարտի 20-ը:
Ինքը՝ Հուսեյնլին, խոսելով Լրագրողների պաշտպանության կոմիտեի հետ, հերքել էր իր դեմ Ադրբեջանում ներկայացված մեղադրանքները. այն է՝ սահմանի անօրինական հատում, խարդախություն և կեղծիք: Լրագրողը հայտնել է, որ իր հետապնդումը պայմանավորված է իր մասնագիտական գործունեությամբ: Նա պարբերաբար ուսումնասիրել և հրապարակումներ է արել Ադրբեջանի ընդդիմադիր գործիչների նկատմամբ ճնշումների, երկրի կառավարության կաշառակերության վերաբերյալ, քննադատել է նախագահ Իլհամ Ալիևին:
Հուսեյնլին հայտնել է, որ իր վրա հարձակված անձինք խոսել են ուկրաիներեն և ադրբեջաներեն: Նրանք ծանր մարմնական վնասվածքներ են հասցրել լրագրողին:
«Մենք կոչ ենք անում Ուկրաինայի իշխանություններին անմիջապես Ֆիքրեթ Հուսեյնլիին վերադարձնել ճանապարհորդելու համար անհրաժեշտ փաստաթղթերը և թույլ տալ նրան լքել երկրի տարածքը: Կիևը չպետք է մաս դառնա Ադրբեջանի՝ իր քննադատներին սահմաններից դուրս հետապնդելու գործողությանը: Մենք նաև հորդորում ենք Ուկրաինայի ոստիկանությանը հետաքննել Հուսեյնլիի դեմ մարտի 5-ի հարձակումը և արդար դատաստան տեսնել մեղավորների հետ»,- ասել է Լրագրողների պաշտպանության կոմիտեի Եվրոպայի և Կենտրոնական Ասիայի ծրագրի կոորդինատոր Նինա Օգնիանովան:
Աղբյուրը՝ Artsakhpress.am
Փետրվարի 6-ին՝ ժամը 16։00-ին, Հայելի ակումբի հյուրն է Միասին շարժումից Ժասմինա Ղևոնդյանը
Փետրվարի 6-ին՝ ժամը 15։00-ին, Հայելի ակումբի հյուրն է ազատամարտիկ Սեյրան Չիլինգարյանը
Փետրվարի 6-ին՝ ժամը 14։00-ին, Հայելի ակումբի հյուրն է Մայր Հայաստանից Արշակ Սարգսյանը
Փետրվարի 6-ին՝ ժամը 12։00-ին, Հայելի ակումբի հյուրն է Հայկ Այվազյանը
Փետրվարի 6-ին՝ ժամը 11։00-ին, Հայելի ակումբի հյուրն է ՀՀ ԶՈՒ պահեստի գնդապետ Վոլոդյա Հովհաննիսյանը
Փետրվարի 5-ին՝ ժամը 16։00-ին, Հայելի ակումբի հյուրն է «Համահայկական ճակատ» շարժման անդամ Ռուզան Ստեփանյանը
Փետրվարի 5-ին՝ ժամը 15։00-ին, Հայելի ակումբի հյուրն է գյումրեցի իրավապաշտպան Կարապետ Պողոսյանը
Փետրվարի 5-ին՝ ժամը 13։00-ին, Հայելի ակումբի հյուրն է լեզվաբան Նարինե Դիլբարյանը
Փետրվարի 5-ին՝ ժամը 12։00-ին, Հայելի ակումբի հյուրն է արցախցի Անաստաս Իսրայելյանը
Փետրվարի 4-ին՝ ժամը 11։00-ին, Հայելի ակումբի հյուրն է արցախցի Անաստաս Իսրայելյանը
Հետևեք մեզ Viber-ում
