Մարդու ձեռքից ձայնն էլ են վերցրել , ջութակն էլ, սազն էլ.Գուրգեն Եղիազարյան
«Ողբալին այն է, որ մենք կրկին ընկանք մի դաշտ, որտեղ արտաքնապես անխոցելի մարդու բերեցին, բայց եղավ սարսափելին, որը խոսում է նրա լեգիտիմության մասին, և ստացվեց որ մենք կրկին կանոնակարգված նախագահ չունենք՝ ի դեմս Արմեն Սարգսյանի:Այս ամենը տեղի է ունենում այն պարագայում, երբ նախագահը առանձնապես շատ լիազորություններով օժտված չի լինելու »,- այսօր Հայելի ակումբում տեղի ունեցած մամլո ասուլիսի ժամանակ, հայտարարեց քաղաքական գործիչ Գուրգեն Եղիազարյանը: Հարցին՝ թե ինչու՞ է այդ դեպքում Արմեն Սարգսյանի պես մեծ համբավ ունեցող մարդը համաձայնել ստանձնել նախագահի պաշտոնը, Եղիազարյանն ասաց, որ կենսագրականում ևս մի փայլուն կետ կավելանա՝ նստավայր, փառք, պատիվ ի վերջո նախագահի անուն .«Մարդու ձեռքից ձայնն էլ են վերցրել , ջութակն էլ սազն էլ»: Գուրգեն Եղիազարյանի կարծիքով, Արմեն Սարգսյանը ՀՀ նախագահի պաշտոնի համար ամենահաջող թեկնածուն էր զուտ իր արտաքին անխոցելիությամբ: «Մասնագիտական փորձով, ինտելեկտով և ներքին բնույթով: Եղավ սարսափելին: Մենք այդպես էլ կանոնակարգված նախագահ չունեցանք: Նրա լեգիտիմության խնդիրը մնալու է օդի մեջ կախված: Այս սահմանադրությամբ մենք կունենաք մի նախագահ, որը ոչ մի բանի համար որևէ պատասխան չի տալիս, ոչ էլ մի բան պետք է անի: Բայց կարելի էր անել, որ գոնե լեգիտիմ լինի»,- ասում է նա:
Հետևեք մեզ Viber-ում
