Մաշտոցի պողոտայի հրդեհի նախնական պատճառը հայտնի է

Նախնական վարկածով անօթեւանների անզգուշությունն է  Երեւան քաղաքի Մաշտոցի պողոտայում, գտնվող գետնանցումում լուսադեմին խոշոր հրդեհը:Այժմ փորձաքննություն է անցկացվում հրդեհի  պատճառը պարզելու համար, սակայն նախնական տվյալներով անօթեւաններն այրել են գետնանցումի տարածքում գտնվող կենցաղային աղբը, ինչից էլ  հրդեհ է բռնկվել: Ավելի վաղ հաղորդել էինք, որ Հայաստանի ԱԻՆ-ում մարտի 3-ին, ժամը 05:33-ին տեղեկություն է ստացվել, որ հրդեհ է բռնկվել Երեւան քաղաքի Մ. Մաշտոցի պողոտայի թիվ 2/2 հասցեում գտնվող «Մետրոպոլ» հյուրանոցի մոտակայքում՝ գետնանցումի չգործող խանութում: Հայտարարվել է հրդեհի բարդության «բիս 1» աստիճան: Դեպքի վայր են մեկնել եւս երեք մարտական հաշվարկ եւ «ԱԲԿ» ՊՈԱԿ-ի հերթապահ բժիշկը: Պարզվել է, որ գետնանցումում գտնվող չգործող տաղավարների տարածքում այրվում է կուտակված կենցաղային աղբ (մոտ 200 քմ): Հրդեհը մեկուսացվել է ժամը 06:06-ին, մարվել՝ 06:18-ին: