«Տասը տարի առաջ գնդակահարվեց ժողովրդավարությունը». Արամ Մանուկյան

Ազատության հրապարակում մեկնարկել է Մարտի 1-ի 10-րդ տարելիցին նվիրված հանրահավաքը։ Աչք թարթելու նման անցան տասը տարիները, երբ հայաստանյան իշխանությունները գնդակահարեցին սեփական ժողովրդին: Այս հայտարարությամբ իր խոսքը սկսեց ՀԱԿ փոխնախագահ Արամ Մանուկյանը։ «Իչպես Հոկտեմբերի 27-ին մեր երկիրը հետ ընկավ մի անորոշ, երկար ժամանակահատվածով, այնպես էլ Մարտի մեկին ընկավ հետամնաց երկրների շարքը»,- հայտարարեց ՀԱԿ փոխնախագահ Արամ Մանուկյանը։ Նա նշեց, որ տասը տարիները ոչինչ չեն տվել՝ հերթով եկող դատախազներն ու  նախարարները խոստումներ են տվել, որ սայլը տեղից կշարժվի, բացահայտումներ կլինեն, սակայն ոչ մի բացահայտում տեղի չի ունեցել: Նա նշեց, որ Մարտի մեկին գնդակահարվեց ժողովրդավարությունը։ «Այս օրը այստեղ գնդակահարվեց շարժումը, այն շարժումը, որը ստեղծվել էր Ազատության հրապարակում 30 տարի առաջ: Հերթով եկող դատախազները, նախարարներն ու ղեկավարները խոստումներ են տվել, որ սայլը տեղից կշարժվի, բացահայտումներ կլինեն, պարզ է, որ չի եղել ու չի էլ լինելու, իրենք իրենց չեն դատի, իրենք իրենց մարդասպաններին, ոհմակի անդամներին չեն դատի»,-ասաց Արամ Մանուկյանը։