«Ճիշտ կլինի՝ հարցն ուղղեք Սերժ Սարգսյանին». Արմեն Սարգսյանը՝ Նիկոլ Փաշինյանին
ՀՀ նախագահի թեկնածու Արմեն Սարգսյանին դիմելով՝ ԱԺ «Ելք» խմբակցության ղեկավար Նիկոլ Փաշինյանը հարցրեց. «Առաջին հարցս վերաբերում է հետևյալին. Ձեր կարծիքով՝ ՀՀ-ում երբևէ քաղբանտարկյալներ եղե՞լ են, թե՞ ոչ: Երկրորդ՝ Ձեր արձագանքը Սերժ Սարգսյանի 2014-ի ապրիլի 10-ի հայտարարությանը, երբ նա ասել էր, որ չի հավակնելու ՀՀ վարչապետի պաշտոնին»: Ի պատասխան Արմեն Սարգսյանն ասաց, որ եթե ընտրվի ՀՀ նախագահ, եթե դրանից հետո ԱԺ-ում իշխող ուժը որոշի առաջադրել Սերժ Սարգսյանին որպես վարչապետ ու երբ այդ օրը նա գա այստեղ, ճիշտ կլինի հարցն ուղղեն իրեն: «Եթե ես ընտրվեմ հանրապետության նախագահ, եթե դրանից հետո ԱԺ-ում իշխող կուսակցությունը որոշի առաջադրել Սերժ Սարգսյանին եւ այդ պահին, երբ Հանրապետության այսօրվա նախագահն այստեղ կանգնած լինի, ճիշտ կլինի այդ հարցն ուղղեք իրեն, ոչ թե՝ ինձ», - նշեց նա։ Արմեն Սարգսյանը նշեց, որ եթե այդ ճանապարհով գնանք, կան հարգված երկրների ղեկավարներ, որոնք ոչ թե 2 տարին մեկ անգամ, այլ ֆեյսբուքով ու թվիթերով ամեն օր են հայտարարություններ անում:
Հետևեք մեզ Viber-ում
