Արմեն Սարգսյանն Հայաստանում քաղբանտարկյալների մասին
Հայաստանի 4-րդ նախագահի թեկնածու Արմեն Սարգսյանը ցանկանում է, որ Հայաստանում քաղբանտարկյալներ չլինեն: Արմեն Սարգսյանն այս մասին ասաց Ազգային ժողովում ՀՀ 4-րդ նախագահի ընտրության հարցի քննարկման ընթացքում՝ պատասխանելով «Ելք» խմբակցության ղեկավար Նիկոլ Փաշինյանի հարցին: «Ես դեռևս եվրոպական ինստիտուտների կողմից չեմ տեսել փաստաթղթեր, որտեղ գրված կլինի, որ Հայաստանում այս կամ այն անձը քաղբանտարկյալ է, սակայն քաղաքացիական հասարակության, մարդու իրավունքների պաշտպանությամբ զբաղվող անձինք իմ հետ հանդիպումներում պնդում են, որ քաղբանտարկյալներ կան և նրանց թիվը մեծ է: Կարծիքները տարբեր են, և դրա համար ես խնդրել եմ, որպեսզի իմ լիազորությունների շրջանակներում ինձ փաստաթղթեր ներկայացնեն: Երբ կլինեն փաստաթղթերը, ես իմ անձնական կարծիքը կունենամ»,- ասաց Արմեն Սարգսյանը՝ հավելելով նաև, որ շատ լուրջ է վերաբերվում այդ հարցին:
Հետևեք մեզ Viber-ում
