Ահռելի է նրա ավանդը կինոյի ու թատրոնի պատմության մեջ. Տարոն Մարգարյան
Ալբերտ Մկրտչյանի մահվան կապակցությամբ ցավակցություններն է հայտնել նաեւ Երեւանի քաղաքապետ Տարոն Մարգարյանը. «Ցավով տեղեկացա նշանավոր մտավորական, անվանի ռեժիսոր, սցենարիստ, ՀՀ ժողովրդական արտիստ, Երևանի պատվավոր քաղաքացի Ալբերտ Մկրտչյանի մահվան մասին: Ահռելի է նրա ավանդը ազգային կինոյի ու թատերարվեստի ոլորտներում: Նրա բերմադրած ֆիլմերը պատմություններ են տարբեր ժամանակաշրջանների հայ մարդկանց ճակատագրերի մասին, իսկ պետական մրցանակների արժանացած «Հին օրերի երգը», «Մեր մանկության տանգոն», «Ուրախ ավտոբուսը», անկասկած, համալրել են հայ կինոյի դասականների շարքը: Մտավորականի իր բարձր կերպարով Ալբերտ Մկրտչյանը բացառիկ անհատ էր մեր իրականության մեջ, իսկ նրա ֆիլմերը՝ բացառիկ արժեքներ, որոնք դեռ երկար կշարունակեն կրթել նոր սերունդներ: Իմ խորին ցավակցությունն եմ հայտնում Մկրտչյան ընտանիքին, ընկերներին ու մտերիմներին, ինչպես նաև նրա արվեստի բազմահազար երկրպագուներին»,-ասված է ուղերձում:
Հետևեք մեզ Viber-ում
