Brent նավթի գինը մոտենում է 41 դոլարի նշագծին

Brent հյուսիսծովյան նավթային խառնուրդի մայիսյան ֆյուչերսների արժեքը շարունակում է վճռականորեն աճել։ Լոնդոնյան ICE բորսայի տվյալներով՝ Brent նավթի գինը բարձրացել է 4.087 տոկոսով՝ հասնելով մեկ բարելի դիմաց 40.37 դոլարի։ WTI նավթի ապրիլյան ֆյուչերսների գինն աճել է 4.188 տոկոսով՝ հասնելով 37.49 դոլարի։ Երեկ արդեն նավթի գինը հաղթահարել էր 40 դոլարի հոգեբանական շեմը։ Brent նավթի գինը 1.5 տարում ընկել է ավելի քան 3 անգամ։ Եթե 2014 թվականի ամռան սկզբին «սև ոսկու» գինը մեկ բարելի դիմաց 115 դոլար էր, ապա 2015 թվականի վերջին մեկ բարելի արժեքը եղել է 36 դոլար։