«Սերժ Սարգսյանն ունի մարտի 1-ի մեղավորությունն իր վրայից հանելու հնարավորություն». Լևոն Զուրաբյան (video)

«Երբ մարտի 1-ի գործով մեղավորներին ու կազմակերպիչներին կկանչեն պատասխանատվության և իշխանությունն էլ ներողություն կխնդրի ժողովրդից, միայն այդ ժամանակ կդադարեցնենք մեր մարտի 1-յան ավանադական երթերը»,- այսօր Հայելի ակումբում ասաց ՀԱԿ անդամ Լևոն Զուրաբյանը: Բանախոսը կարծում է, որ իրենց պահանջը ֆանտաստիկայի ոլորտից չէ և միևնույն է այդ օրը գալու է. «Եթե մեղավորների հատուցման օրը չգա, մենք չենք լինի լիարժեք ազգ: Իշխանավորը պետք է կախված լինի իր ժողովրդից, ոչ թե ժողովուրդը վախենա իշխանավորից»: Հարցին՝ ի՞նչն է խանգարել, որ այս տասը տարիների ընթացքում մարտի 1-ի գործընթացքը գնաց այն ընթացքով, որը հանրության համար պարզ չէ, Լևոն Զուրաբյանը պատասխանեց. « Կան խուսակցություններ, որ իշխանությունը սլաքներն ուղղում է Ռոբերտ Քոչարյանի վրա, բայց դրա անհրաժեշտությունը չկա: Իշխանության գլուխը այդ ժամանակ Քոչարյանն էր, հետևաբար նրա հրամանով զորքերը մտան Ազատության հրապարակ, բայց դա չի նշանակում, որ Սերժ Սարգսյանի վրա չկա պատասխանատվություն»: Եզրափակելով խոսքը՝ Լևոն Զուրաբյանը նշեց, որ այս ամենով հանդերձ, Սերժ Սարգսյանն ունի մարտի 1-ի մեղավորությունն իր վրայից հանելու հնարավորություն: Առավել մանրամասն՝ տեսանյութում.