Շարապովային որակազրկում է սպառնում

Ռուս հայտնի թենիսիստուհի Մարիա Շարապովան մամուլի ասուլիս է հրավիրել և հայտարարել, որ Ավստրալիայի բաց առաջնության ժամանակ իր դոպինգ-թեստը դրական արդյունք է տվել, հաղորդում է Ռոյթերզը:Շարապովան ընդունել է «Միլդրոնատ» պատրաստուկը, որը դիաբետի պրոֆիլակտիկայի համար է նախատեսված: Այդ պատրաստուկը 2016 թ. հունվարի 1-ից արգելված միջոցների ցուցակում է: Շարապովան նշել է, որ այդ պատրաստուկն ընդունել է 10 տարի շարունակ:  2015 թ. դեկտեմբերին նա ստացել է արգելված միջոցների նոր ցուցակը, սակայն չի ուսումնասիրել այն: Շարապովան առայժմ դեռ չգիտի, թե ինչ պատիժ է սպասվում իրեն և երբ կկարողանա կորտ վերադառնալ:«Ամեն օր պատասխանատվությամբ ու արհեստավարժորեն են մոտեցել աշխատանքիս, ես մեծ սխալ եմ թույլ տվել, խաբել եմ իմ երկրպագուներին ու ամբողջ սպորտը, որով զբաղվում եմ 4 տարեկանից և որը շատ սիրում եմ: Գիտակցում եմ հնարավոր հետևանքները, սակայն չեմ ցանկանում այսպես ավարտել կարիերաս և հույս ունեմ, որ երկրորդ հնարավորություն կստանամ»,- ասել է Շարապովան: Շարապովան նախնական կորակազրկվի մարտի 12-ից մինչև գործով վճռի կայացումը: