«Առաջնային պատասխանատվությունն ընկած է Ռոբերտ Քոչարյանի վրա»
«Նիկոյանը չհասկացավ, թե ինչ կատարվեց իր հետ, ՀՀԿ-ից ընտրել էին անհատ, որը քիչ է ենթակա հասարակության ատելությանը, նրան հանձնարարել են անել այդ կեղտոտ գործը՝ կոծկել մարտի 1-ը: Ինքը չհասկացավ, թե իրեն ո՞նց փչացրին, չնայած վերջում հասկացել էր: Եթե Կոնգրեսը լիներ Պառլամենտում, ինքը չէր կարող նման կերպ խոսել, իսկ հիմա նրան հակադարձող չեղավ, ոչ ոք չասաց, թե ինչո՞ւ ես քո հնամաշ բառերը նորից ասում»,- այսօր Հայելի ակումբում ասաց ՀԱԿ փոխնախագահ Լևոն Զուրաբյանը: Արդարադատություն, փոխհատուցում մարտի 1-ի զոհերի հարազատներին, իշխանությունը ինքը պետք է ներողություն խնդրի սեփական ժողովրդից, ասաց ՀԱԿ փոխնախագահ Լեւոն Զուրաբյանը: «Առաջնային պատասխանատվությունն ընկած է Ռոբերտ Քոչարյանի վրա: Այդ օրվա իշխանության գլուխը Ռոբերտ Քոչարյանն էր, նա է հրամանագիր ստորագրել, նրա հրամանով է բանակը թողել սահմանը եւ եկել ճնշումներ իրականացնելու: Չնայած սրան, Սերժ Սարգսյանն էլ է կրում պատասխանատվություն, քանի որ նա այդ թիմի մասն է եղել, եւ կա կոծկման պատասխանատվություն: Սերժ Սարգսյանի ամենամեծ մեղավորությունն այն է, որ նրա նախագահության տարիներին այդ ամենը 10 տարի կոծկվել է»,- փաստեց նա՝ հորդորելով բոլորին մասնակցել իրենց կազմակերպած մարտի մեկյան հավաքին:
Հետևեք մեզ Viber-ում
