Մեր խմբակցության անդամները չեն ստում, այլ ստում են մյուսները.Լենա Նազարյան

ԲԴԽ անդամների ընտրությունների ժամանակ  արդյունքները  կեղծվել են,համոզված է ԵԼՔ խմբակցության պատգամավոր Նիկոլ Փաշինյանը: Գագիկ Հարությունյանի օգտին քվեարկել է 98 պատգամավորից 96-ը եւ ընդամենը 2-ը դեմ է եղել, այնինչ ԵԼՔ խմբակցության ղեկավարը համոզված է, որ իրենց խմբակցության 7 պատգամավորն էլ դեմ է քվեարկել: Նույն հանձնաժողովի անդամ է նաև ԵԼՔ խմբակցության պատգամավոր Լենա Նազարյանը,ով   նշեց, որ խնդիր չկա քվեարկության հետ, խնդիրը ընթացակարգի հետ է կապված,քանի որ դա ըստ նրա  հնարավորություն չի տալիս, լիովին վերահսկել ընտրության ընթացքը: Հարցին` երբ հայտարարվեց երկու դեմ, իսկ նա գիտեր, որ դեմերը շատ են ինչո՞ւ ստորագրեց արձանագրությունը, Նազարյանը պատասխանեց. «Ես իմացա, երբ գնացի խմբակցություն, դա պարզվեց:Նախօրոք գիտեի,որ մեր խմբակցության պատգամավորները դեմ են քվեարկելու:Ես վստահ եմ, որ մեր խմբակցության բոլոր անդամները Գագիկ Հարությունյանին դեմ են քվեարկել, հաշվարկի ժամանակ իրավիճակն այնպիսին է, որ քվեաթերթիկները դրվում են սեղանին եւ հաշվիչ հանձնաժողովի բոլոր անդամներն ամեն մեկն իր կողմ է տանում քվեաթերթիկը եւ հաշվում: Շատ հնարավոր է եւ կարծում եմ`այդպես էլ տեղի է ունեցել, որ դեմ քվեաթերթիկները փոխարինվել են կողմ քվեաթերթիկներով: Ես ինչպե՞ս կարող եմ վերահսկել ամբողջը, երբ ինքս զբաղված եմ քվեաթերթիկ հաշվելով»: Լենա Նազարյանը  վստահ, որ իր խմբակցության անդամները չեն ստում, այլ ստում են մյուսները: