Գոռ Քլոյանի լուսանկարը. 2008թ. փետրվարի 9-ը .Ազատության հրապարակ, Երեւան

«Մարտի 1» հասարակական կազմակերպության համակարգող Առաքել Սեմիրջյանը Facebook-ի իր էջում հրապարակել է Մարտի 1-ի զոհերից Գոռ Քլոյանի լուսանկարը,որն  արվել է Ազատության հրապարակում, փետրվար 9-ի հանրահավաքի ժամանակ, սպանվելուց ուղիղ երեք շաբաթ առաջ։ «Այս նկարն առանձին եմ դնում քանզի իմ գտած ամենաարժեքավոր ու ողբերգական նկարն է: Շուրջ 10 տարի ես փնտրել եմ Մարտի 1-ի զոհերից որևէ մեկի նկար, ով մասնակցել է 2008 թվականի փետրվարյան հանրահավաքներին ու 10 տարի անց ես գտա Գոռ Քլոյանի նկարը Ազատության հրապարակում, փետրվար 9-ի հանրահավաքին մասնակցելիս, սպանվելուց ուղիղ երեք շաբաթ առաջ և ենթադրում եմ, որ սա իր կյանքի վերջին նկարն է: Անմիջապես զանգեցի Գոռի հորը՝ Սարգսի Քլոյանին ու նկարը ստանալուց հետո միակ բանը, որ նա ասաց. «Բայց ինչո՞ւ էր որդիս էդքան տխուր»»,- ասված է Սեմիրջյանի գրառման մեջ: