Քըրքորյանն ու Թրամփը՝ բիզնես-ղեկավարներ.Fortune

«ԱՄՆ նախագահ Դոնալդ Թրամփի հայկական ֆավորիտը ՝ Քըրք Քըրքորյանն  իր խառնվածքով, կենցաղով ու բնավորությամբ եղել է Թրամփի հակապատկերը: NewYork Times պարբերականի հիմնադիրը Քըրքորյանին համարում էր «Բոլոր գործարարների աստվածը, իսկ ըստ Թրամփի՝ նա բիզնեսի արքան էր ու ԱՄՆ նախագահը հրապարակային հայտարարում էր. «Ես սիրում եմ այս մարդուն»»,- ասվում է ամերիկյան Fortune ամսագրի անդրադարձում: Հայ միլիարդատիրոջ ու ամերիկյան  նախագահի կյանքի պատմությունները փոքր-ինչ նման են՝ չնայած բնավորության ու բիզնեսի վարման ստրատեգիկ տարբերությունների,նշում է ամսագիրը: «Հայազգի միլիարդատերը մահացավ 98 տարեկանում, մնալով The Strip-ի մի շարք խաղատների ու տասնյակ հյուրանոցների սեփականատերը, բայց նրա անունը երբեք որեւէ տարբերանշանի, հայտարարության կամ սեփականության գլխագրի մեջ չնշվեց, ոչ էլ նա ուներ սեփական անունով ավտոկայանատեղի: Մինչդեռ Թրամփի անունը հսկայական ոսկյա տառերով նշված է 64-հարկանի իր հյուրանոցի պատին ու երեւում է Լաս-Վեգասի գրեթե բոլոր կողմերից: Քըրքորյանն ապրում էր չափազանց համեստ՝ խուսափելով հարցազրույցներից ու անձնական կամ գործնական տվյալների հրապարակումից, մինչդեռ Թրամփը նախքան ընտրվելն ու դրանից հետո միշտ աչքի է ընկել չզսպվածությամբ»,-ասված է անդրադարձում: