Բախման վտանգ՝Թուրքիայի և ԱՄՆ-ի միջև

Բրիտանական «Financial Times» պարբերականի փոխանցմամբ, մարտի դաշտում թույլ տրված ամենաչնչին հաշվարկային սխալը ՆԱՏՕ-ի երկու անդամների՝ Թուրքիայի եւ ԱՄՆ-ի միջեւ անմիջական պատերազմի պատճառ կարող է դառնալ։ ԻՊ  ահաբեկչական խմբավորումը  վերջին շրջանում շատ է թուլացել և  նար  անկումը սիրիական տարածաշրջանում նույնքան վտանգավոր կարող է լինել, որքան եւ դրա հզորացումը։ «Ընդհանուր թշնամու բացակայության պայմաններում պատերազմի մեջ ներքաշված տարածաշրջանային եւ միազգային հակամարտող ուժերը տարբեր ճակատներից միջնորդավորված ձեւով պատերազմում են միմյանց դեմ՝ իրենց  զարմանալիորեն բազմատեսակ ներկայացուցիչների միջոցով։ Յուրաքանչյուր բախում ավելի է հեռացնում հակադիր շահերի միջև համաձայնության ձեռքբերման հնարավորությունը՝ սաստկացնելով բացահայտ առճակատման վտանգը»,-«Financial Times»-ին մեջբերում է «Ermneihaber» կայքը։ Այս համատեքստում ՄԱԿ-ի անվտանգության խորհրդի ընդունած զինադադարի որոշումը թեեւ դրական զարգացում է, բայց դրա արդյունավետությունն անվարժ արված վիրակապի տված օգուտից ավելին չի կարող լինել։ «Քանի դեռ որեւէ միջազգային ֆորումում առավել երկարատեւ զինադադարի որոշում չի կայացվել, այդ որոշման դերը լարվածության նվազեցման հարցում փոքր կլինի։ Սիրիական պատերազմի յոթերորդ տարում այն, ինչ մնացել է Սիրիայից, կարող է տարածաշրջանային հզոր հրդեհի աղբյուր դառնալ»։