«Երկու կոպեկ իրենց գրպանները լցնելու համար որոշել են ժողովրդին կոտորել». Սամվել Խուդոյան (video)

«Բիզնես ծրագրեր, կոռուպցիոն ռիսկեր. սկսվում է դեղորատոմսային բիզնես»,- այսօր Հայելի ակումբում ասաց հոգեբան Սամվել Խուդոյանը: 2018 թվականի մարտի 1-ից Հայաստանի Հանրապետությունում գրանցված հակավարակային (այդ թվում հակաբիոտիկներ), հսկվող և հորմոն պարունակող դեղերը ձեռք բերելու համար անհրաժեշտ է բժշկական կազմակերպության կողմից տրված դեղատոմսի առկայություն` ըստ սահմանված կարգի: Հոգեբանը պնդում է, որ չկա որևէ համոզիչ հիմնավորում օրենքի կիրառման համար. «Պատկերացնու՞մ եք, 60-70 տարեկան տատիկ, պապիկները չեն կարողանալու իրենց օրվա դեղն առնել ու մահանալու են դրա պատճառով» : Սամվել Խուդոյանը վստահ է, որ ավելի վտանգավոր են բժիշկների նշանակած դեղերը, քան ինքնաբուժությունը. «Ամեն մի հիվանդ շատ լավ գիտի իր հիվանդությունն ու այն դեղերը, որոնք անհրաժեշտ են իրեն: Հարց եմ տալիս. բերեք մի օրինակ, որ հիվանդը ինքնաբուժմամբ սպանել է իրեն, բայց շատ են դեպքերը, երբ բժշկի նշանակած դեղերը վնասել են հիվանդներին»: Մանրամասները՝ տեսանյութում.