ՌԴ-ի նկատմամբ պատժամիջոցները հավերժ կմնան.Ռոգոզին
РИА Новости-ն հայտնում է,որ ՌԴ փոխվարչապետ Դմիտրի Ռոգոզինը հայտարարել է, որ Ռուսաստանի նկատմամբ Արևմուտքի սահմանած սահմանափակումները հավերժ կմնան: «Պատժամիջոցները հին երբեմնի թշնամիների արձագանքն է մեր ամրապնդմանը: Եվ դրանք կչեղարկվեն միայն այն դեպքում, եթե մենք դարձյալ թուլանանք: Ռուսաստանի դեմ պատժամիջոցները հնարավորություն են տալիս լավագույնս արտահայտել ազգային բնույթի հատկանիշները»,- հավելել է Ռոգոզինը: Հարցին, թե արդյոք պատժամիջոցները չե՞ն խոչընդոտում բանակի վերազինմանը, Ռոգոզինը պատասխանել է, որ «բարդություններ» կան, բայց քայլեր են ձեռնարկվել: «Ստեղծվել է, օրինակ, ռազմաարդյունաբերական համալիրի կոլեգիայի հակապատժամիջոցային շտաբ, որի հիմնական խնդիրն է թույլ չտալ ժամկետների խախտումներ ներքին և արտաքին պատվիրատուներին ռազմական նշանակության արտադրանքի մատակարարումների գործում»,- ներկայացրել է փոխվարչապետը:
Հետևեք մեզ Viber-ում
