Ես երեբեք ոչինչ չեմ արել, որի համար գլուխ կախեմ. Արթուր Բաղդասարյան
Այսօր տեղի է ունեցել «Հայկական վերածնունդից» կրկին «Օրինաց երկիր» դարձած կուսակցության 15-րդ համագումարը, որի նախագահ է վերընտրվել Արթուր Բաղդասարյանը: «Ինչ-որ մասով ստացվեց, ինչ-որ մասով ոչ։Սակայն միավորման գաղափարը չստացվեց, քանի որ խորհրդարանական ընտրություններից հետո շատ կուսակցություններ դուրս եկան՝ ունենալով իրենց ծրագրերը։ Մենք արդեն «Հայակական վերածնունդ» կուսակցության համագումարում բավարարեցինք նրանց դիմումը։ Մեր նպատակն է եղել Հայաստանը այս խորը փոսից հանել: Վերադառնում ենք մեր ակունքներին: Ունեցե՞լ ենք սխալներ մեր գործունեության մեջ, իհարկե ունեցել ենք: Ճակատագրակա՞ն են եղել այդ սխալները, չեմ կարծում: Ազնի՞վ են եղել մեր նպատակներն, իհարկե ազնիվ են եղել. մտածել ենք համախմբվել ու պայքարել Հայաստանը խորը փոսից դուրս բերելու համար: Սիրեն ինձ, թե չսիրեն, հարգեն՝ չհարգեն, իմ երկրի 21 տարվա պատմության կրողներից մեկն եմ եղել: Ունեցել եմ իմ սխալներն ու թերությունները, ինչպես յուրաքանչյուր մարդ, բայց կյանքում ոչինչ չեմ արել, որի համար կարող եմ գլուխ կախել»,- ասել է կուսակցության առաջնորդը:
Հետևեք մեզ Viber-ում
