Կոստանյաը հաստատեց, որ կար հրաման
ԱԺ «Ելք» խմբակցության կազմակերպած Մարտի 1, 2-ի դեպքերի վերաբերյալ խորհրդարանական լսումներում ՀՀ նախկին գլխավոր դատախազ, ԱԺ Հանրապետական խմբակցության պատգամավոր Գևորգ Կոստանյանն, անտեսելով իր ելույթի ժամանակ դահլիճում հնչող դժգոհությունները, շնորհակալություն հայտնեց «Ելք» դաշինքին այս թեմայով լսումներ կազմակերպելու համար։ Խոսելով Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցի ելույթից, թե մարտի 1-ին նախագահի կողմից արտակարգ դրություն է հայտարարվել՝ առանց արտակարգ դրության մասին օրենքի, ասաց. «Այո, բայց դրա անհրաժեշտությունն էլ չկար այդ պահին, որովհետև Սահամանդրության, որն այս պահին էլ է այդ մասով գործում, 55 հոդվածի 13-րդ կետը հստակ սահմանում է, որ հանրապետության նախագահը հայտարարում է արտակարգ դրություն և իրականացնում է իրավիճակից թելադրվող միջոցառումներ»: Այս հայտարարությունից հետո, երբ ներկաները սկսեցին դժգոհություններ հայտնել, Կոստանյանը արձագանքեց. «Ժողովուրդ, ասելով չի, էդ ամեն ինչը գրած ա»։ Այնուհետև հավելեց, որ դատախազությունը հիմա չի կարող հրապարակել նախաքննության բոլոր տվյալները, հենց հրապարակեց, պատասխանատվության ենթակա սուբյեկտ կլինի: Կոստանյանն ասաց, որ բոլորի ակնկալիքն ու պահանջն արդարացված չէ, քանի դեռ յուրաքանչյուր մահվան գործով բացահայտված չեն կատարողներն ու մեղավորները:
Հետևեք մեզ Viber-ում
