Պոլսո Հայոց պատրիարքը պետք է ազատ ընտրվի․ ստամբուլահայերի պահանջը

Ստամբուլահայ համայնքը change.org կայքում ստորագրահավաք է սկսել :Նրանք պահանջում են Պոլսո Հայոց պատրիարքի ազատ ընտրության անցկացում,  վերջ տալ պատրիարքական աթոռի փոխանորդի կառավարմանը՝ Արամ արքեպիսկոպոս Աթեշյանի և թափուր գահը հանրային քվեարկության արդյունքում օժտվի հեղինակավոր ու արժանավոր գահակալով՝  ըստ հայ ավանդույթների ու իրավունքների: «Ի դեմս Կրոնական ժողովի, հոգեւորականներին կհիշեցնենք իրենց ունեցած պատասխանատվությունը հանրության առջեւ։ Հրավիրում ենք հարգել իրենց խոստումը։ Հանրային խաղաղությունը պիտի հաստատվի այն ժամանակ միայն, երբ արդարորեն իրականանա  արդարության եւ իրավունքի հարկը՝ պատրիարքական ընտրությունը։ Համակերպումից, հնազանդությունից բխած լռությունը ո՛չ թե խաղաղություն է, այլ՝ հալածանք»,- ասված է պահանջագրում։