«Աթեշյանի լկտիության գագաթնակետը». Արագած Ախոյան (video)
«Վերջին տարիներին կապը պոլսահայության հետ բավականին ամուր է և մենք անտարբեր չենք մեր հայրենիքում կատարվող իրադարձությունների նկատմամբ»,- այսօր Հայելի ակումբում ասաց Արագած Ախոյանը: Երեկ Արագած Ախոյանի նախաձեռնությամբ մի շարք հասարակական կազմակերպությունների ներկայացուցիչներ, քաղաքացիներ բողոքի ակցիա անցկացրեցին ընդդեմ Արամ Աթեշյանի: Հիշեցնենք, որ Պոլսո պատրիարքարանի հոգևոր խորհրդի արտահերթ ժողովի ընթացքում որոշվել է՝ Աթեշյանը կշարունակի մնալ Պոլսո Հայոց պատրիարքի փոխանորդի պաշտոնում: Նման որոշման կրոնական ժողովը հանգել է Ստամբուլի նահանգապետարանում Թուրքիայի ներքին գործերի նախարար Սուլեյման Սոյլուի և պատրիարքի ընտրությունների կազմակերպմամբ զբաղվող նախաձեռնող խմբի անդամների ու հայ համայնքի հիմնադրամների ղեկավարների մասնակցությամբ արտահերթ ժողովից հետո: «Մենք ամեն օր պատրաստ ենք այս հարցի շուրջ խոսելու, որովհետև եթե հարցը չբարձրացնենք, այն ավելի արմատական խնդիր կդառնա: Ես չէի պատկերացնում, որ հնարավոր է մի օր Մայր Աթոռում ցույց անել, բայց մենք տեսանք,թե ինչպիսի զորբայության շնորհիվ Աթեշյանը կարողացավ ինքնամատաղ լինել թուրքական իշխանություններին ու նորից բազմել Պոլսո պատրիարքի փոխանորդի աթոռին»: Իր խոսքի վերջում բանախոսը ևս մեկ անգամ շեշտեց՝ թյուր կարծիք է, որ Արամ Աթեշյանին թուրքական իշխանություններն են նշանակել: Մանրամասները՝ տեսանյութում
Հետևեք մեզ Viber-ում
