«Աշտարակ-Կաթը երբեք ոչ մեկին ապառիկով ապրանք չի տվել». Աշտարակ-Կաթ ընկերությունից տուժած տնտեսվարողները կառավարության դիմաց (video)

Աշտարակ-Կաթ ընկերությունից տուժած տնտեսվարողները բողոքի ակցիա են իրականացնում կառավարության դիմաց: Քաղաքի կենտրոնում գործող խանութներից շատերն իրենց գործարքներն իրականացնում են հաշվեհամարներով, իսկ նրանց հաշվեհամարները սառեցված են, նրանք էլ չեն կարողանում մյուս առաքիչներին գումար վճարել. «Աշտարակ-Կաթը երբեք ոչ մեկին ապառիկով ապրանք չի տվել: Մենք փոխանցում անելու ժամանակ պատահմամբ իմացանք, որ մեր հաշիվները սառեցված են, մեզ անգամ նամակ չեն ուղարկել» : Տնտեսվարողների պարտքի չափը հասնում է մի քանի միլիոնի. «Կամ այս հարցը պետք է դրական լուծում ստանա, կամ էլ մենք կփակենք մեր խանութները: Մենք 3 միլիոն 6 հարյուր հազար անգամ տասը տարում չենք աշխատի» : Հիշեցնենք, որ Երևանի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի 19.12.2016թ. վճռով «Աշտարակ-Կաթ» ՓԲԸ-ն սնանկ է ճանաչվել: Շուկայում գերիշխող դիրք ունեցող խոշոր արտադրողը պարտքեր է կուտակել ինչպես պետության, այնպես էլ աշխատողների և կաթ մատակարարող գյուղացիների նկատմամբ: Տնտեսվարողները պնդում են, որ իրենք անգամ տեղեկացված չեն եղել, որ իրենց դեմ հայց է ներկայացվել, դատական նիստեր են ընթացել: Մանրամասները՝ տեսանյութում