Մեծ տարածքներ, բարձր պատալոկներ, աշխարհում նման բան չկա.ինչից է դժգոհ վարչապետը
«Սա միայն առողջապահությանը չի վերաբերվում, հիմա այս ոլորտը կարգավորենք ու քայլ առ քայլ գնանք:Նոր առողջապահական հաստատությունների կառուցման ու գործող կենտրոնների արդիականացման ներդրումային ծրագրեր մշակելիս անհրաժեշտ է սահմանել նման կենտրոններին ներկայացվող պահանջները, պայմաններն, այդ թվում՝ ճարտարապետական լուծումները և ֆունկցիոնալ կառուցվածքը», -Կառավարության այսօրվա նիստում վարչապետն անդրադարձավ առողջապահական հաստատությունների քաղաքաշինական նորմերի վերանայմանը:
« 1989 թվականին ընդունված քաղաքաշինական նորմատիվ ակտերը չեն արդիականացվել ու չեն համապատասխանում միջազգային փորձում ընդունված ժամանակակից չափանիշներին ու պահանջներին», -ասաց Կարեն Կարապետյանը: և առողջապահության նախարարին ու քաղաքաշինության պետական կոմիտեի նախագահին հանձնարարեց համատեղ ուսումնասիրել ու կառավարություն ներկայացնել առողջապահական հաստատություններին ներկայացվող քաղաքաշինական նորմերի վերանայման, արդիականացման ու միջազգային չափանիշներին համապատասխանեցմանն ուղղված առաջարկություններ:
«Վերջերս կառուցում ենք բժշկական հաստատություններ, որի հաստատուն ծախսերի տակից դուրս գալը պրակտիկորեն անհնար է՝ ընդհանուր օգտագործման մեծ տարածքներ, բարձր պատալոկներ, աշխարհում նման բան չկա», - ասաց Կարեն Կարապետյանը:
Հետևեք մեզ Viber-ում
