Աթեշյանն իրավունք չունի գալու Հայաստան, հակառակ դեպքում՝ կստանա իր բաժին կերակուրը. Արագած Ախոյան
«Արամ արքեպիսկոպոս Աթեշյանն իր պաշտոնի հաշվին ավելի է սրում հայ և թուրք ժովովրդի հարաբերությունները։ Մտքովս չէր էլ անցնի, որ Մայր Աթոռում պաստառներով ցույց կանենք։Ոչ մի քայլ օգուտ չի տալիս։ Լկտիության գագաթնակետն էր թուրքական իշխանությանը ներգրավել մեր ներքին քաղաքական հարցերում:Լկտիություն է նաև հայտարարել ,որ Էրդողանն իր եղբայրն է»,- Հայելի ակումբում հրավիրված ասուլիսում հայտարարեց «Վերադարձ» հիմնադրամի նախագահ,ԱԺ նախկին պատգամավոր Արագած Ախոյանը: «Մինչև Արամ արքեպիսկոպոս Աթեշյանի հարցը լուծում չստանա, դեպքերը շարունակելու են:Եկեղեցական Խորհրդի գերագույն ժողովի առաջնային հարցն Աթեշյանի հարցն է, և մենք ամեն ինչ անելու ենք արդարությունը վերականգնելու համար։ Աթեշյանի նմաններ շատ կան Մայր Աթոռում։ Նրանք պետք է ինքնամաքրվեն:3-4 տարի է Վանում ոչ մի պատարագ տեղի չի ունենում։ Աթեշյանը պատճառաբանում է, որ միջոցներ չունի քահանաներ բերելու »,-նշեց Արագած Ախոյանը։ «Այդքան մուրացկան չի կարելի լինել, այդ երկու քահանայի գումարը մենք էլ կարող ենք վճարել։Աթեշյանն իրավունք չունի գալու Հայաստան, հակառակ դեպքում՝ կստանա իր բաժին կերակուրը»,-հավելեց նա:
Հետևեք մեզ Viber-ում
