Հայտնաբերվել է ապօրինի թմրաշրջանառության դեպք/տեսաշար/

Փետրվարի 20-ին ոստիկանության կազմակերպված հանցավորության դեմ պայքարի գլխավոր վարչության թմրամիջոցների անօրինական շրջանառության դեմ պայքարի վարչությունում ապօրինի թմրաշրջանառության վերաբերյալ տեղեկություններ են ստացվել։ Ինչպես հայտնում են ոստիկանության մամուլի ծառայությունից, օպերատիվ տվյալներն իրացրել են ոստիկանության տարբեր ստորաբաժանումների եւ ՊԵԿ մաքսանենգության դեմ պայքարի վարչության ծառայողները։ Արդյունքում ոստիկանություն են բերման ենթարկվել երեք օտարերկրացի։ Հարուցված քրեական գործի շրջանակում խուզարկություններ են կատարվել: Հայտնաբերվել են մետանֆետամին տեսակի թմրամիջոցի նմանվող ընդհանուր 370-ից գրամից ավելի զանգվածներ, 56 ամբողջական, 12 մասնատված դեղահաբեր, 160 գրամից ավելի դեղնավուն զանգված՝ ծաղկամանի մեջ քողարկված, ներարկիչ, կաթոցիչներ եւ այլն։ Հայտնաբերվածն ուղարկվել է ոստիկանության փորձաքրեագիտական վարչություն։  Նշանակվել են փորձաքննություններ։ Հանգամանքները հետախուզական միջոցառումներով ու քննչական գործողություններով պարզվում են։  Մանրամասներին կանդրադառնանք մեր առաջիկա թողարկումներից մեկում։