30 տարի առաջ Ազատության հրապարակը ցնցեց ամբողջ աշխարհը․ Արամ Մանուկյան
Ազատության հրապարակում երեկ տեղի ունեցավ Արցախյան շարժման մեկնարկի 30-ամյա հավաքը: Հրապարակում երեք օրվա ընթացքում կգործի ցուցահանդես, որի ընթացքում կցուցադրվեն Շարժման առաջին տարիներից լուսանկարներ, պլակատներ, ցուցապաստառներ: Երեսուն տարի առաջ Ազատության հրապարակը ցնցեց ամբողջ աշխարհը: Այս մասին հանրահավաքի ժամանակ ասաց ՀԱԿ անդամ Արամ Մանուկյանը: «Այս հրապարակում սկսվեց շարժում, որը սկիզբ դրեց սովետական իմպերիայի քայքայմանը, խարխլեց այդ կայսրության հիմքերը, խարխլեց նաև սոցիալիստական լագերի՝ Արևելյան Եվրոպայի երկրի հիմքը: Ղարաբաղյան ազատագրական շարժումն առաջնեկն էր ամբողջ այդ ազատական շարժումների: Այդ շարժումը ոչ միայն առաջինն էր իր սկզբով, այլ առաջինն էր իր մոբիլիզացիայով, իր կազմակերպվածությամբ, իր հումանիզմով, իր երկարակեցությամբ և առաջինն էր իր արդյունքով: Եվ այդ հզորության հիմնական գաղտնիքը, Արամ Մանուկյանի խոսքով, Ղարաբաղ կոմիտեն էր, որը երկար ժամանակ ղեկավարեց շարժումը:»,- ասաց Արամ Մանուկյանը: «Կոմիտեն այնքան հեղինակության պահուստ ուներ, որ երեք տարվա ընթացքում այս հրապարակը լեփ-լեցուն մնաց: Եվ այդ վստահության պաշարը բավականացրեց հետագա տարիներին պետություն կառուցելու համար», - նշեց Կոնգրեսի փոխնախագահը՝ թվարկելով կոմիտեի անդամների անունները: Նախ, առաջի կազմում էին Իգոր Մուրադյանը, Վաչե Սարուխանյանը, Մանվել Սարգսյանը: Այնուհետեւ եկան Բաբկեն Արարքցյանը, Վազգեն Մանուկյանը, Լեւոն Տեր-Պետրոսյանը, Վանո Սիրադեղյանը, Համբարձում Գալստյանը, Ալեքսան Հակոբյանը, Սամվել Գեւորգյանը, Սամսոն Ղազարյանը, Դավիթ Վարդանյանը, Ռաֆայել Ղազարյանը, Աշոտ Մանուչարյանը
Հետևեք մեզ Viber-ում
